Danke al statistika skripto, kiun programis Lars, mi facile povis ekscii, kiuj estas la Esperanto-veteranoj tie ĉi en ipernity. Mi longe kredis, ke mi estas la unua aliĝinto, sed ne, mi estas la dua ...

La tutunue aliĝinta esperantisto tie ĉi estas ... tatatataraaaaa ... Mamie Jo Boccadifuoco, kiu aliĝis jam la 8an de septembro 2006, do kiam ipernity ankoraŭ estis en la tiel nomata alfa fazo, kaj kiam nur invititoj povis testi ĝin.

9 monatojn poste aldoniĝis mi en la 17a de junio 2007. Post kelktaga testado mi komencis varbi por ipernity kaj tiam aldoniĝis pluraj ene de kelkaj semajnoj:
En la 2a de julio mia amikino Tina
En la 8a de julio du "fuĝintoj" el tiu alia socia retejo: J. Kresve kaj Ivan MG
En la 10a de julio Kalle Kniivilä

Kaj tiel pluriris, kun mezumo de 3 novaj homoj ĉiutage ĝis nun, kiam ni konsistigas unu el la pli fortaj lingvaj komunumoj tie ĉi.