Dio

Dio

La Universo estas tre inteligentega ellaboraĵo, ellaboraĵo kiu transcendas la plej genian homan inteligentecon.

Kaj, ĉar ĉiu inteligenta efiko havas inteligentan kaŭzon, oni devas necese dedukti ke: la kaŭzo Universo superas ĉiun inteligentecon.

Kaj, la inteligenteco inter la inteligentcoj, la kaŭzo inter la kaŭzoj, la leĝoj inter la leĝoj, la komenco inter la komencoj, la pravo inter la pravoj, la konscienco inter la konsciencoj estas Dio! Dio!... nomo milfoje sankta, kiu "Isaac Newton" neniam prononcis sen malkovriĝi!...

Estas Dio! Dio, kiu revelas vin tra la naturo, via filino kaj nia patrino.

Mi rekonas vin, Sinjoro, en la poezio de la kreado, en la infano kiu ridetas, en la oldulo kiu faletas, en la almozulo kiu petegas, en la mano kiu helpas, en la patrino kiu gardas, en la patro kiu instruas, en la apostolo kiu evangeligas!

Dio! Mi rekonas vin, Sinjoro, en la amo de l'edzino, en la korinklino de l' filo, en la estimo de l' fratino, en la justeco de l' justulo, en la kompatemo de l' indulgentulo, en la fido de l' pio, en la espero de l´ popoloj, en la karitato de l' bonuloj, en la honesteco de l' honestuloj!

Dio! Mi rekonas vin, Sinjoro, en la vervo de l' profeto, en la elokventeco de l' parolanto, en la inspiro de l' artisto, en la sankteco de l' moralisto, en la saĝo de l' filozofo, en la fajroj de l' genio!

Dio! Mi rekonas vin, Sinjoro, en la floro de l' ĝardenoj, en la herbeto de l' valo, en la nuanco de l' kamparo, en la venteto de l' herbejo, en la parfumo de l' kampo, en la murmuro de l' fontoj, en la susuro de la supra foliaro, en la muziko de l' boskoj, en la sereneco de lagoj, en la nobleco de l' montoj, en la amplekso de l' oceanoj, en la majesteco de l' firmamento!

Dio! Mi rekonas vin, Sinjoro, en la belaj anthelioj, en ĉielarko multikolora, en la matenruĝoj polusaj, en la argenteco de l' luno, en la brilo de l' suno, en la lumo de l' steloj, en la brilego de l' stelaroj!

Dio! Mi rekonas vin, Sinjoro, en la formado de l' nebulozoj, en la origino de l' mondoj, en la genezo de l' sunoj, en la naskiĝo de l' homaro, en la mirindaĵo, en la brilego, en la sublimo de l' Infinito!

Dio! Mi rekonas vin, Sinjoro, per Jesuo kiam Li preĝas: "Patro nia, kiu estas en la ĉielo..." aŭ per anĝeloj kiam ili kantas: " Gloro al Dio en la alto!..."

Haleluja!!!