Koloroj de paĝo

Al mi absolute malplaĉas viaj novaj koloroj. ;)

Nu, atentu ke ĉiuj gravaj koloroj estas diversnuancaj grizoj. Nur kelkaj tekstoj estas alikoloraj... tian minimalismon mi ŝatas: per malgranda ŝanĝo (de elstarkoloro) oni povas tute aliaspektigi la fasonon.

Kara Manolo, eble io pli vive? Sxajnas tiu Celine estis iom malbonhumora ;)

Saluton Vesna! Vi verŝajne duonpravas ke Céline estas, ne malbonhumora, sed mi dirus deprimiĝema (laŭ tio kion oni povas subpercepti el ŝiaj fotoj kaj komentoj).

Sed tio ne malhelpas ke ŝia elekto de koloroj estas trafa kaj, laŭ mi, tute ne deprimiga.

Ahha! Cxu tamen nur tre provizore transira provo?

Jes kompreneble! Ĉio estas provizora, krom la morto...

Nu serioze, mi konservos la aferon por vidi ĉu mi alkutimiĝas aŭ ne.

Pardonu, sed ankaŭ mi ne ŝatas la novan fasadon. Ĉefe la purpuraj literoj estas malfacile videblaj. Nu, sed por gustoj oni faris la kolorojn :-)

Sed, kara avĉjo, ĉu vi surmetis la okulvitrojn antaŭ ol rigardi? :-DDD

Koran dankon al ĉiuj pro ties komentoj kaj kritikoj.

Tamen, la celo de mia artikoleto NE estis propagandi ke mia fasono ŝanĝiĝis, sed *nur* agnoski la aŭtorecon de la originala artisto, kies kreaĵon mi piratumis.

Mi interesiĝas pri la maniero, kiel vi faris. Ĉu vi skribis al Celine, kaj demandis la kodojn de la koloroj, kiujn ŝi uzis? Aŭ ĉu ekzistas iu maniero "senhonte" ekscii tion sen demandi?

Nu, mi improvizis. Mi vidis la kolorojn kaj kaptis ilin per kolor-analizilo (facile disponebla en Linukso) kaj tuj metis ilin en mian paĝon, ne vere paŭse sed kun ŝanĝetoj. Poste mi sciigis ŝin pri mia ago sed ŝi ne reagis krom vizito al mia spaco. Kaj fine mi decidis aldoni tiun artikoleton por publike agnoski la originalan artiston, kun ŝia membro-etikedo (mi antaŭe aligis ŝin al mia reto) kaj sciigis ŝin pri ĝi.

Ĉu mi devintus peti permeson unue? Uhmmm.... mi kredas ke ne, ĉar temas pri tre konkreta afero ne vere artisma (la stilo konsistas el malmultaj elektoj; se temus pri tuta stilfolio mi ja petus permeson) kiu krome troviĝas ekster la kopirajta atingo de la regularo de Ipernity (kiu estas la fotaro, la vera artisma celo).

Resume: mi agis al ŝi samkiel mi ŝatus esti priagita de aliaj: tiun simplan moton mi uzas kiel gvidilon en tiaj cirkonstancoj.