Ofte ni manĝis turkajn antaŭmanĝaĵojn (mezes) kaj ni ŝatas ilin. Ili estas servataj kun peklitaj legomoj. Ĉar ni ŝatas konsumi ilin, mia edzino preparis helpe de nia ludonanto Ferit el Adana peklitajn legomon, turke Karisik Tursu.
La turka kuirado konas abundecon da peklitajn legomojn kaj fruktojn. Ili estas konservataj en saloakvo aŭ vinagro aŭ en miksaĵo el ambaŭ. La postulo al la pekla fluidaĵo de kelkaj legomoj aŭ fruktoj estas pli granda ol al la peklitaj legomoj aŭ fruktoj mem. Ekzemple en Adana oni vendas ĉe stratostandoj la peklan fluidaĵon de peklitaj rapoj kiel apartan trinkaĵon, rakontas Ferit.
La sekva recepto devenas de Ferit. Lia patrino preparas tiumaniere la peklitajn legomojn.
Preparado:
Miksu la salon kaj la vinagron kaj restigu ĝin. Purigu, lavu kaj gutigu ĉiujn legomojn. Tranĉu la brasikofoliojn en malgrandajn pecojn. Detranĉu la kukumetojn kaj kukurbetojn supre kaj malsupre kaj enpiku ilin ĉe pluraj lokoj. Tranĉu la karotojn bastonetoforme. Ankaŭ enpiku la paprikojn ĉe pluraj lokoj. Tranĉu la bulbon de celerio bastonetoforme kaj starigu la foliojn flanken.
Metu kelkajn vinberfoliojn, kelkajn pecojn da celerio kaj kelkajn kikerojn sur la grundon de granda glaso. Metu sur tio tavolon da brasikofoilioj. Sur tiuj tavoligu diversajn legomojn kaj plenigu la interspacojn per ajlobulberoj kaj mespiloj. Kovru per vinberfolioj, kaj ripetu la tavolojn, ĝis kiam ĉiuj aldonaĵoj estas forkonsumitaj kaj la glaso estas plenigita. Kovru ĉion per vinber- kaj celeriofolioj.
Verŝu la salitan vinagron tra kribrilo sur la glasenhavo, kaj atentu dum tio, ke vi kovras ĉiujn legomojn. Laste metu teleron sur la legomojn kaj pezigu ĝin per ŝtono, por ke la legomoj ne povu ascendi kaj emerĝi el la vinagro. Kovru la glason kaj restigu ĝin 2 ĝis 3 semajnojn je ĉambrotemperaturo.
Se vi interesiĝiu pri la aldonaĵoj, skribu al mi.