Saluton karaj geamikoj! Feliĉe ni renkontiĝas denove ĉe nia programo!

En tiu elsedo, vi ricevas plian partoprenon de Budhismo. Per demandoj kaj respondoj, vi scias iom pli pri tiu vivfilozofio kaj ankaŭ aŭdas historieton el la libro “Amo al la vivo”, tio per la bela voĉo de Jianping Zhao.
Nia agendo sciigas al vi la alproksimiĝon de la 3-a Kongreso de la ŝtato San-Paŭlo kaj vi nepre devas ekplani vian ĉeeston tie. Ĉi-foje la kongreso okazos en la urbo Lorena, de la 10-a ĝis la 12-a de oktobro (feriperiodo en Brazilo). Informojn: http://www.easp.org.br
Kelkajn novaĵojn de VINILKOSMO vi aŭdas en nia programo. Kaj se vi estas en Eŭropo, ĉefe Pollando, ne manku al la bonega kunveno ARKONES (Pozano-Pollando) – ARtaj KONfrontoj en ESPeranto- de la 19-a ĝis la 21-a de septembro.
Kontrolu: http://arkones.org/eo Kaj jam turniranta tra Eŭropo nia kantisto Alejandro Cossavella. Sciu la datojn kaj lokojn de lia ĉeesto en nia elsendo.
Ĉu Leonardo Da Vinci estis senegala? Aŭdu la argumentojn de Dr-o Paulo Sergio Viana pri li per la voĉo de Jianping Zhao, al kiuj mi cxiam dankas la partoprenon.
Kiamaniere Esperanto progresas laŭ la vidpunkto de la instrumetodoj?
En nia televida parto, vi spektas la 3-an ĉapitron de la Metiejo kun Edukado.net okazinta dum la Roterdama Kongreso. Se vi hazarde mistrafis la aliajn du, ili restas je dispono en nia paĝo. (Elsendoj de la 30-a de aŭgusto kaj 6-a de septembro). Tio per la gvido de Emilio Cid.
Do, jen kelkaj motivoj por via tuja alklako sur nia adreso: http://www.parolumondo.com
Akceptu la brakumon de Emilio Cid kaj Mirna Marino.