↑Mielo's blog

Hodiaux mi estas treege malica.

Mi envias viajn kolegojn, cxar ili estas kun vi. Mi envias la kuiristinon kiu donas matenmagxon al vi. Mi envias vian vestajxojn, viajn laborilojn, vian segxon, cxefe vian liton !
Kaj mi abomenas mian aspekton. Kiam mi vidas min mem en la spegulo, mi volas vomi. Mi ne scias, eble pro la amo, la hormonoj laboras en mi tre, mia vizagxo estas tia kiel de adoleskantoj. Mi malamas la aknojn ! Kaj neniu diras al mi, ke mi ne estas dika !! Mi vidas ke mi estas terure, treege dika ! Mi ne komprenas kial vi amas min. Kial ajnulo sxatas min ??? :-/

Mi abomenas la jasmenojn, kiuj floras en mia cxambo, kial ili gxojas ? Ilia bonodoro estas narkota, mi kusxus en viaj brakoj narkotite… se vi estus kun mi…hahh…. mi abomenas revi..

Kaj kial la hundo sentas bone sur la strato ??? Li promenas treege malrapide, gxuas la printempajn bonodorojn, li observas la hundetinojn. Cxu ekzistas, ke li estos enamigxinta ???? Mia dio ! Ni ne povos dormi pro li dum semajnoj… li volas iri cxiam eksteren, li skrapas la pordon, hojlas cxiam….kvankam mi ne miras nun, ankaux mi povus hojli. Eh !

Mi esperas, neniu parolas al mi hodiaux. Kaj mi mangxos cxokoladon tuttage !