100. Patrina Saĝa Admono



  [Senperforto]



  Iam antaŭ longa tempo, la filo de Brahmadato regis juste en Benareso de norda Hindio. Okazis, ke Reĝo de Kosalo lanĉis militon, mortigis la Reĝon de Benareso kaj prenis la reĝinon kiel sian edzinon.



  Samtempe, la filo de la reĝino sukcese eskapis tra la akvokondukilo. Fine li starigis grandan armeon en la kamparo, kaj ĉirkaŭis la urbon. Li sendis mesaĝon al la reĝo, la mortiginto de sia patro kaj edzo de sia patrino. Li informis lin, ke tiu lasta cedu la regadon aŭ kontraŭbatalu.



  La patrino de la reĝido, la reĝino de Benareso, aŭdis pri provoko de sia filo. Ŝi estis ĝentila kaj bonkora virino, kiu volis malhelpi la perfortadon, suferigadon kaj mortigadon. Do ŝi sendis mesaĝon al sia filo, "Ne estas bezono riski la batalon. Estos pli saĝe fermi ĉiuj enirejojn de la urbo. La civitanoj ektimos mankon de manĝaĵo, akvo kaj brullignaĵo. Poste ili donos la urbon al vi sen ajna batalo."



  La reĝido decidis sekvi la saĝan proponon de sia patrino. Lia armeo blokadis la urbon dum sep tagoj kaj noktoj. Poste la civitanoj kaptis sian maljustan reĝon, tranĉis lian kapon kaj oferis ĝin al la reĝido. Li eniris la urbon triumfe kaj fariĝis la nova reĝo de Benareso.



  La moralo estas: Bonkora admono estas saĝa admono.