Ĉu vi ŝatas manĝi nesalitan supon ?

Vi pravas. Tamen ankaŭ la manko de la akuzativo igas la supon nemanĝebla ;-)

Jes, vi pravas.

Saluton!

La h-sistemo almenaŭ estas laŭ-Fundamenta.

La ikso-sistemo aperis komence de la 1960-aj jaroj – en pratempo el komputilista vidpunkto: Grizulo († 2006-08-15) iam blogis pri tio je 2005-10-05.

Kompreneble en la jaro 2009 oni devus supozi, ke ĉiu ajn klopodas uzi Unikodon por ĉiam kaj ĉie skribi ankaŭ en la lingvo Esperanto per la ĝustaj literoj.

Povus esti simple, sed kutimoj malfacile ŝanĝeblas ... kaj foje kulpas ankaŭ mallerteco, pigreco aŭ uzado de maltaŭgaj programoj.

Cetere: Salo eble tro abundas en Esperantujo – almenaŭ en babilejoj oni oftege uzas Sal!.

Mi ja preferus sensalan supon al amaso da salo kun iom da supo. :-)

Kolonjano

Sole fundamenta estas la ĉapelita alfabeto. La piednoto el la 19-a jarcento ne funkcias en nia epoko, kiam ja eblas uzi ĉapelitajn literojn.

Mi nur povas konsenti kun vi.

Ankaŭ vi pravas.

Vi pravas Manfredo, sed pluraj homoj ne scias kiel aperigi supersingnojn Esperantajn... Mi uzas La programeton "Ek!"

Se oni instalas Esperanton kiel lingvo kaj uzas la x-sistemon, tiam aŭtomate aperas la supersignojn.
Do ĉiuj Esperantistoj devus instali "Esperanto" kaj ne iliajn gepatrajn lingvojn.

Saluton el Brazilo!
Manfredo, mi uzas la programon "EK", ĝi estas rapide kaj simpla. Nun vi povas manĝi vian supon kun salo.
Mi interakordigas kun Kolonjano: "estas pli bona sensala supo al amaso da salo kun iom da supo".
Ana Ligia.

Multan dankon, Ana.
Kompreneble, nesalita supo estas pli bone ol trosalita. Sed oni ĉiam devus trovi "la ora mezo". :-)

Mi ŝatas vian bildon de la "salo en la supo" kaj trovas la supersignojn belaj aldonaĵoj al la Esperanta skribo. Ie en la interreto mi ĵus legis de unu "malesperantisto", ke la supersignoj estas aĉaj. Interese, ke li skribis en la germana, kiu havas supersignojn mem (kaj eĉ unu specialan leteron). Tio ankaŭ certe aspektas fremda al alilingvanoj.

Dankon, Markus.
Mi tute ne ŝatas tiujn "malesperantistojn", kiuj ĉiam volas "plibonigi" la lingvon. Kaj mi ankaŭ ne ŝatas tiujn, kiuj uzas multe da nov-vortojn. ("Neologismo" ankaŭ estas nov-vorto.)