Skriboskribanta

Pri John Donne

L' animo estas solvanto de l' karno. Sed el via karno mi estas nedisolvebla.

Verkinto: Juan José Arreola. Prenita el "La extrema brevedad: microrrelatos de una y dos líneas", artikolo de David Lagmanovich, aperinta ĉe Espéculo n. 32, rethavebla.

Tradukinto: Manuel García Jurado Taracena (2010).

Teruriga novelo

La virino kiun mi amis iĝis fantomo. Mi estas tiu loko, kie ŝi aperadas.

Verkinto: Juan José Arreola. Prenita el "La extrema brevedad: microrrelatos de una y dos líneas", artikolo de David Lagmanovich, aperinta ĉe Espéculo n. 32, rethavebla.

Tradukinto: Manuel García Jurado Taracena (2010).

Multepova

Post lerta faldado —pruo poben, masto laŭ longeco— la ŝipestro iĝis piloto de paperaviadilo.

Verkinto: Manuel García Jurado Taracena. Prenita el persona novelaro.

Tradukinto: Manuel García Jurado Taracena (2010).

Mi nur scias

Mi nur scias, ke malfermita poemo sangu.

Verkinto: Rafael Pérez Estrada. Prenita el "La extrema brevedad: microrrelatos de una y dos líneas", artikolo de David Lagmanovich, aperinta ĉe Espéculo n. 32, rethavebla.

Tradukinto: Manuel García Jurado Taracena (2010).

Kvalito kaj kvanto

Li ne enamiĝis al ŝi, sed al ŝia ombro. Li vizitis ŝin je tagiĝo, kiam sia amatino estis pli longa.

Verkinto: Alejandro Jodorowski. Prenita el "La extrema brevedad: microrrelatos de una y dos líneas", artikolo de David Lagmanovich, aperinta ĉe Espéculo n. 32, rethavebla.

Tradukinto: Manuel García Jurado Taracena (2010).

Misteroj de la tempo

Kiam la vojaĝisto turnis sian rigardon malantaŭen kaj vidis la vojon, kiu estis tuta, netuŝita, li rimarkis, ke siaj spuroj ne vere sekvis lin, sed lin antaŭis.

Verkinto: Alejandro Jodorowski. Prenita el "La extrema brevedad: microrrelatos de una y dos líneas", artikolo de David Lagmanovich, aperinta ĉe Espéculo n. 32, rethavebla.

Tradukinto: Manuel García Jurado Taracena (2010).

Amoro 77

Kaj post fari ĉion, kion ili faras, ili ellitiĝas, sin banas, talkiĝas, perfumiĝas, sin vestas, kaj tiel iom-post-iom ili estas refariĝantaj ĉio, kio ili ne estas.

Verkinto: Julio Cortázar. Prenita el "La extrema brevedad:microrrelatos de una y dos líneas", artikolo de David Lagmanovich, aperinta ĉe Espéculo n. 32, rethavebla.

Tradukinto: Manuel García Jurado Taracena (2010).

Arda

Ĉu vi povus blovi mian okulon? —ŝi diris al mi—, io ĝena eniris ĝin. Mi blovis ŝian okulon, kaj mi rigardis sian pupilon ekbruli tiel, kiel kaŝatenda karbeto inter cindraro.

Verkinto: José de la Colina. Prenita el "La extrema brevedad:microrrelatos de una y dos líneas", artikolo de David Lagmanovich, aperinta ĉe Espéculo n. 32, rethavebla.

Tradukinto: Manuel García Jurado Taracena (2010).

Jen la dua sekcio el tri. Klaku sur la etikedon "Alberto Chimal", je via dekstra flanko, por trovi la aliajn sekciojn.

Pri veraj asertoj kaj tujeco.

Mala aĵo foje montras la aĵo mem.

Tempopunktofotoj el juneco de frutempega virino.

Jen alia novelo de ŝatata meksika verkisto. Sekcio unu el tri.

Jen la dek unua kaj lasta sekcio.

Jen la deka sekcio.

Jen recenzo kaj pripensoj pri la novelaro Marvirinstrato de Tim Westover.

Jen la naŭa sekcio.

Instrukcio pri plorado

Flankenlasante kialojn, ni atentiĝu pri la ĝusta maniero plori, kaj ni limiĝu je plorado kiu ne fariĝos ploregado, aŭ kiu ne ofendos rideton per ia simileco malgracia. La plorado neelstara aŭ ĉiutaga konsistas el plena kuntirado de la vizaĝo kaj el fojeinterrompata sono, akompanata de larmoj kaj mukoj, tiuj ĉi je la fino, ĉar la plorado finiĝas, kiam oni bone nazpuriĝas. Por plori, direktu la imagon al vi mem, kaj se tio neeblas pro kutimo kredi nur mondon eksteran, pensu ananason kovritan per formikoj, aŭ tiajn golfojn de la Magelana markolo, al kiuj enveturas neniu, neniam. Alveninte la ploradon, vi dece kovru vian vizaĝon per ambaŭ manoj, la mandorsoj eksteren. Infanoj ploru kun la jakmaniko kontraŭ la vizaĝo, kaj prefere ĉe angulo de ĉambro. Meznombra daŭreco de la plorado, tri minutoj.

Verkinto: Julio Cortázar, ĉe la libro "Historias de Cronopios y de Famas" (1962).

Tradukinto: Manuel García Jurado Taracena (2009).