Mahmud's blog

Keyhan Sayadpour

Aŭd-elŝuteblas ankaŭ ĉi tie :::::::::::::::::::::::::

Omid Rohanian

Monantajn prelegsesiojn ni havas en IREA (Irana Esperanta Asocio).
Ĉi tiu prelego estas la unua prelego en la nova suna jaro, kaj ankaŭ la unua prelego de Omid.



Ĉi tie ankaŭ aŭskulteblas.

Elŝuteblas la lumbildoj de ĉi tie :::::::::::::

Kaj la teksto:
Minimumismo, estas ĉefe Usona artmovado kiu evoluiĝis dum la malfruaj 1950-aj jaroj kaj fruaj 1960-aj. Minimumismaj pentraĵoj kaj skulptaĵoj kutime konsistas el geometriaj formoj aŭ aliaj simplaj formoj, ofte aranĝitaj en formo de sinsekvaj moduloj (= moduloj estas memstaraj partoj kunmetitaj en la sistemon) Troviĝas ankaŭ aliaj nomoj por ĉi tiu movado, inkluzive de “sistema pentraĵo”, “ABC arto” , kaj “sinsekva arto”, kiuj iomgrade reflektas la celojn de Minimumismo. Estas iomete malfacile loki la precizan deirpunkton de minimumismo kaj ĝiajn radikojn, ĉar estas tendenco kiu preskaŭ ĉiam iel ekzistis antaŭ ol esti enkondukita kiel moderna skolo de arto. Ekzemple, Minimumismo iel ekzistis en antikvaj orientaj tradicioj, speciale en la Zen tradicio de Japana Budhismo. Tio ĉefe estis vivmaniero pli ol artisma esprimo, en kiu simpleco en cxiuj aspektoj de la vivo estas emfazita. Nu, kiel formo de arto, kiel antauxe dirite, minimumismo estis evoluigita en la okcidento antaux nelonge kaj rezulte de modernaj kaj industriaj pensmanieroj. En la moderna epoko, ĝi povas esti klasifikita kiel parto de la modernismaj stiloj kiuj estis multe influitaj de Abstrakta arto de la frua dudeka jarcento. Abstraktismo aperis komence de la 20-a jarcento, kiam la pentristoj foriĝis de la ripetado kaj stilo de la ĝistiamaj pentristoj. Abstrakta arto uzas vidan lingvon de formo, koloro kaj linio por krei kunmetaĵojn kiuj povus ekzisti kun iom da sendependeco de vidaj ĉi-mondaj referencoj. Multaj skoloj en 20aj jarcento, interalie minimumismo, iel devenas de Abstraktismo. Famaj desegnistoj kiuj iniciatis minimumistajn ideojn inkludas Ludwig Mies van der Rohe kaj membroj de “De Stijl” kiu estis Nederlanda artmovado en kiu oni rekomendis puran abstraktadon kaj harmonion pere de redukto gxis la fundamentaj formoj kaj koloroj. Ĉi tiu stilo estas la kulmino de reduktismaj emoj en moderna arto kiuj unuafoje aperis en 1913 en iu komponaĵo de la Rusa pentristo Kasimir Malevich. La komponaĵo estis nigra kvadrato sur kvadrata fono. Oni povas diri ke minimumismo estis efektive reago al pentrajxoj apartenantaj al alia postmilita movado nomita “Abstrakta Ekspresionismo” kaj kreigxis sub influo de modernismaj ideoj. En abstrakta ekspresionismo la pentristo montras sian energion pere de bros-tiroj. La spektanto supozeble povas senti la emociojn per markoj kiujn la artisto faris. Aliflanke, Minimumistoj diras ke se oni metas unu markon sur iun paĝon, la marko akiras cent procenton de la atento. Se vi almetas alian markon, la unua marko sole akiras duonon de la atento, kaj tiel plu. Do, almeti pli kauxzas perdon de efiko en individuaj elementoj. Tio estas unu el la kialoj, pro kiuj minimumismaj pentraĵoj kiel tio de Mondrian estas tre simplaj kaj senigitaj je nenecesaj elementoj. Minimumistoj provis forigi la emocion kaj personan esprimon disde la arto, provante estigi produktojn kiuj estis simple objektoj. Ili pensis ke la signifo de la objekto kuŝis ne "en" ĝi mem, sed sur ĝia surfaco, kaj la signifo devenas de la interrilato inter la arta objekto kaj la spektanto de artajxo. Minimumistoj malakceptis la ideon de ekspresionistoj, ke arto respegulu la personan esprimon de sia kreinto. Male, ili adoptis la vidpunkton ke artaĵo ne temu pri io ajn krom si mem. La celo estis fari la artajxon objektiva kaj malesprimplena. La termino minimumismo ampleksas vastan gamon de kampoj, kiel pentraĵo, muziko, arkitekturo, desegnado, literaturo, fotografio, kino ktp. Minimumisma Desegnado “Malpli estas pli ” la fama devizo de Minimumistoj kiun unue la Germana arkitekturo Ludwig Mies van der Rohe famigis. Ĉi tiu frazo kiu estis unue dirita de la angla poeto “Robert Downing” komence (unuavide) ŝajnas paradokse. Kion ĝi vere signifas estas tio, ke produkto de arto, kaj ĉikaze konstruaĵo, devas esti senigita je iu ajn ekstraĵoj kaj ke ĝi devas esti konstruata surbaze de fundamentaj elementoj kiuj rezultigos klarecon, utilecon kaj efikon. Minimumismaj arkitektoj havas specialan sintenon rilate al “spaco”. Ili traktas gxin kiel unu trajton de desegno. Tio estas ke, spaco mem havas identecon kaj ne estas nur fono aux fizika volumeno kiu devas esti iel plenigita. En tiaj desegnoj, malplenaj spacoj estas pripensitaj kaj ludas estetikan kaj praktikan rolojn kiel aliaj elementoj. Bazaj formoj kaj rektaj, puraj linioj ankaŭ estas gravaj teknikoj uzataj en minimumisma desegno. Ludi kun lumo ankaux uzigxas en cxi tiu stilo. Parto de la arkitektoj kiel “Buckminster Fuller”, kiu havas industrian pritrakton de arkitekturo, uzas la terminon “minimumismo” en iom malsama senco. Lia devizo estas "fari pli kun malpli" kiu signifas ke minimumismaj desegnajxoj devas esti tiel, ke ili nur inkluzivas praktikajn elementojn. Efektive, en ĉi tiu alproksimiĝo, teknologiaj kaj inĝenieraj flankoj estas pli gravaj ol estetikaj. Iu tekniko kiun tielaj arkitektoj ofte uzas estas doni al unu elemento pli ol unu uzon. Bona ekzemplo por gxi povus esti la planko kun kaŝita varmiga aparato sube de gxi, formanta kaj la fundamenton por la ĉambro kaj la hejtadon de la spaco. Tio ĉi permesas al desegnistoj krei optimuman utilecon sen amasigi la spacon. Minimumismo en interna arkitekturo Minimumismo en konstruaĵoj kaj internaj spacoj postulas la uzon de puraj linioj, simplaj bazaj limigitaj koloroj kaj senornamaj surfacoj. Vide kompleksaj objektoj, kiel librobretoj, multpartaj fenestroj kaj ecx ornamitaj kapkusenoj aŭ kurtenoj estas limigitaj. Minimumisma dekoro tute temas pri malplena spaco. Kiel la nomo implicas, kiam temas pri minimumisma dekoro, “malpli estas pli”. Ĝenerale, minimumistaj domoj havas malpli meblojn kaj aliajn akcesoraĵojn ol aliaj domoj. Male, oni emfazas malplenan spacon. En internaj spacoj, oftokaze oni provas limigi la uzon de diversaj teksajxecoj (laux mi la plej bona propono gxis nun). Se iu skemo estas facile evidenta en iu minimumisma domo, tio estas tie por emfazi specifan detalon. Foje grandaj vitraj muroj estas uzataj por maksimumigi la uzon de natura lumo kaj estigi senton de spaca grandeco.

Irana Esperanto-Asocio laŭ tradicio okazigas ĉiujare kunsidon festenan nomitan "Antaŭnoŭruza kunsido".
Ĉi jare ankaŭ la antaŭnoŭruza renkontiĝo okazis en la vendredo 9-a de marto 2012 en la Irea oficejo.
Kvankam malvasteco de la loko, multaj partopris. Du prelegojn faris S-ro Mamduhi kaj S-ro Sajjadpur, la unua pri la "Transhumanismo" kaj la dua pri la "Novjaroj".
Krom tio sin regalis la gastoj per frukto, teo kaj dolĉaĵoj, kaj fine tagmanĝis la ĉeestantoj.
Ĉi tie oni devas danki al ĉiuj partoprenantoj kaj speciale al S-ino Dortaĝ pro la bela sep-so-tuka aranĝo, F-ino Emrani, S-ro Mamduhi, S-ro Ŝafi'i kaj S-ro Sajjadpur kiuj korfavore helpis al tiu kunsido.

ant2

ant1

ant

sudometro

En la scacidomo de Emamĥomejni mi eltrajniĝas kaj serĉas mian direkton. Tumulto de la plebo kiel la abeloj de ĉiu deirekto kaj al ĉiu direkto. Ili estas iranta, venanta, trotanta kun diversaj aspektoj. Iu ŝultrobatas, iu vokas sian amikon, aliaulo impetas al via direkto, kelkaj preterpasas, la televidaj reklamoj kriegas... Zumantega abelujo.
Kaj jen nia heroo, viro havas gazeton en unu mano, plumon en la alia, estas solvanta sudoku-on.

Disĉiplo petas el sia majstro ke, “Kara majstro, bonvolu paroli pri la vero!”

La majstro respondas: “Ne, mi ne parolos. Ĉar, ju pli oni parolas pri la vero, des pli ĝi vualiĝas. Paradokso, ĉu ne? Krom tio, tiam, kiam mi estas paolanta, vi aŭskultante, manĝas ĉiujn manĝaĵojn.”

شاگرد از استادش می‏خواهد که: "استاد عزیز، لطفاً از حقیقت بگویید!"

استاد پاسخ می‏دهد: "نه، سخن نخواهم گفت. زیرا هر قدر از حقیقت سخن بگویی، پیچیده‏ و غامض‏تر می‏شود. عجب پارادوکسی است، مگر نه؟

دیگر اینکه، هنگامی که من سخن می‏گویم، تو در حال گوش کردن، همه غذاهارو می‏خوری و واسه ما هیچی نمی‏ذاری."

Du frenezuloj interparolas. La unua demandas: "Kio estas la diferenco de la korvo?"

دیوونه اولی از دیوونه دومی می‏پرسه: فرق کلاغ چیه؟

دومی: هان؟

اولی: فرق کلاغ؟

آهان، خوب، یکی از بال‏هاش از اون‏یکی مساوی‏تره.

bebo

Estis dek unua kaj duono nokte. Tute malluma. La onklo atingis al la fonto kun lanterno enmane kaj ŝovelilo surŝultre. Li iris por la akvumado. Li okupiĝis kaj post minutoj kiam li estis okupita pri la alidirektigi la akvoduktojn al sia ĝardeno, subite li aŭdis ĝemadon. Ĝemadon aŭ tre mallaŭtan ploreton li aŭdis. Timo kaptis lin unue. " Ĉu estas koboldoj, kaj volas ĝeni min?", li pensis. Li ne atendis ĝin kaj daŭrigis sian laboron. Denove tiu gxemadsono. "Sed ĝi estas vera plorado. Kio ĝi povas esti?" li sindemandis.
Nu, li komencis serĉi ĉirkaŭe. Subite, jen eta homido pli precize, knabineto, kvar/kvin jaraĝa.
"Kiu vi estas? Kion vi faras ĉi ite?" La onklo demandis. Jam la ploreto fariĝis ploro: " Aaa..., mi..., mi..."
"Kies filino vi estas?" la onklo karese demandis.
"Aaa..., mi..., mi..."singultplorado estis la nura respondo.
"Kio estas la nomo de via patro?"
"Fa...z..., Fa...z..."
"Ahha, vi estas la filino de Farzali. Bone, ne ploru kara, ne ploru."
La onklo ŝin karesis kaj prenis surbruste per unu mano, dum per la alia mano havis la lanternon, al la vilaĝo.
En vilaĝo la naŭa horo estas preskaŭ la dorma horo kaj la horo de dek unu estas sufiĉe malfrua.
La pordon frapis la onklo: "Ho, Farzali!" Denove: "Ho, Farzali!" Kaj renove: "Ho, Farzali!"

Post minutoj: "Kiu estas?" aŭdiĝis de malantaŭ la pordo.
La pordo malfermiĝis.
"Ĉu ĝi estas via filino?" la onklo riproĉe demandis.
"Kion!!?? ... Minuton bonvolu. Ho, virino, vekiĝu!" Farzali vokis sian edzinon dume enirinte. Audigxis ankoraŭ lia voĉo: " Ĉu mankas unu el la infanoj?"
"Mi ne scias." ŝi respondis.
"Iru kalkuli ilin. Iru! Farzali kriis al la edzino.
Post iom da silento, "Jes, Sorajja ne estas ĉi ite."
P.S. Ĝi estas vera rakonto. Ĝin rakontis mia amiko, kiam mi rememorinte la pasintecon, plendis pro mia destino.

Al cxiuj brazilaj samideanoj!
Mi esprimas miajn kodolencojn kaj varmajn simpatiojn pro la morto de multajn brazilanoj dum la okazinta torento.

Mamud Mirbozorgi

drogo

En la lastaj jaroj tre abundis junuloj, kiuj alproksimiĝas al vi, kiam vi estas piediranta sur la trotuaro. Ili proksimiĝas al vi kun ŝajniga ĝentileco kaj petas: “Pardonon, sinjoro! Ĉu vi permesas ke mi ion diru?”
Sed mi estas pli inteligenta ol ili [:)]. Mi havas mian propran antitrompan manieron. Anstataŭ respondi, mi demandas: “Kio estas? Ĉu vi volas monon?”
Tiel, ili senarmiĝas kaj iras. Ili estas drogmaniuloj kiuj almozpetas por sinprovizi drogojn.
Ĝemdemando stariĝas en mia koro: “Kiuj hakiloj estas hakanta arbetojn, kiuj povas fariĝi grandiozaj arbegoj?” "Kies pioĉoj frakasas la kolonojn sur kies ŝultroj devas stabili la tegmento de l' morgaŭo?"

Ĉiam venas ĉe li la emo de skribi tiam, kiam li devas dormi. Dormi por vekiĝi frumatene. Vekiĝi frumatene por iri al la oficejo.
Pro tio, ho ve, li ne fariĝis verkisto. Li fariĝus verkisto se nur la emo de skribi estis ĝustatempa.

Ĉi tie ili ankaŭ parolas pri Esperanto.

http://mirbozorgi.blogspot.com/2010/03/blog-post.html

Mil ... Mil fojojn mi decidis eliĝi el mia lito, iri eksteren kaj vidi la lumon de l' suno, senti la zefiron de la printempo, aŭdi la kanton de la birdoj. Sed mi refoje malvigliĝis. Eĉ turniĝi aliflanken mi ne emas.

Mi aŭdas la interkantojn de la paseroj...

Mil fojojn mi decidis vekiĝi, sed per kiuj muskoloj? Aĥ doloras mia fronto, kaj mentono ankaŭ.

Mi rememoras: Mallumo, insultoj, batoj, insultoj, doloroj, vipoj, pugnobatoj, piedbatoj, bastonoj, ripozetoj..., denovaj insultoj, batoj, pugne, piede, vipoj, la doloroj de la manoj, de la piedoj, de la rompitaj fingroj.

Mi ŝatas vidi mian vizaĝon, sed mankas al mi spegulo kaj ankaŭ lumo ne estas ĉi tie. Mi ŝatas vidi mian vizaĝon post kiam la musoj manĝis la okulojn. Kaj serpento suĉis la cerbon mian.

Mil fojojn mi decidis stariĝi kaj iri eksteren kaj vivi.

Eĉ se mi havus okulojn kaj orelojn, piedojn kaj manojn, kion pri ĉi tiu firma tomboŝtono, kiu fariĝis mia firmamento?

Sentiĝas ĉiam ia angoro, kiam la nokto proksimiĝas kaj la krepusko disvastigas sin. La diabloj eliras el siaj kaŝejoj kaj komencas siajn malicojn.

Dumtage, ankaŭ tiu angoro akompanas. Kie oni forkuru por liberigi sin el tiu angoro. Ĉu el la nokto al la tago? El la tago al la nokto? El angoro al angoro. Prefere sin ĵeti en la sinon de la dormo.

Sed, kion pri la koŝmaroj?

Nur rigardon ĵetu ĉiflanke, al ĉi tiu mizerulo! Via rigardo donos la tutan universon al mi. Ĝi donacos ĉiujn ridojn de la anĝeloj al mia koro. Ĝi verŝos en mian baskon, ĉiujn kantojn de l' kanarioj.

Tirano1/Torture1

Mi gajnis novstilan rekordon en mia cxefpagxo de Ipernity.

Jen gxia foto:

novstila

1000 vizitintoj el la artikolo de Noruzo, sen ecx 1 komento. Mi dankas al vi pro via silento.

نوروز فرا رسید. به تمام دوستان عزیزم این جشن و مراسم باستانی و عزیز را تبریک عرض می‏کنم. به امید شادمانی و پیروزی‏های فراوان در سال جدید

Noruzo (Nova tago) de 1388 alvenis. Mi gratulas al ĉiuj miaj karaj amikoj ĉi tiun antikvan karan festoceremonion. Kun espero de Feliĉo kaj sukceso.

Noruzo ترانه جاودانه نوروز اثر آشورپور

Onklo Noruzo عمو نوروز

Haĝi Firuz حاجی فیروز

Apero de Printempo جلوه بهار

Aj Botte Botte آی بته بته

La gratulo de Noruzo تبریک نوروزی

Zefiro de Farvardin نسیم فروردین

Mi fariĝos pluvo, pluvos gut-al-gute, por kombadi vian hararon
Mi fariĝos la nordvento, ventos al via lando, por kisadi vian kapon kaj vizaĝon
...

Mi ne bezonas scipovi la hispanan lingvon por kompreni la signifon de ĉi tiu bela kanto. Mi sentas ĝian signifon.