This form is secure
Send a message
Search for members
This post is public
Zamenhof origine estas humanisto. Mi nun pensas ke Zamenhof nur volas esprimi sian penson(interna ideo kaj homaranismo) per Esperanto.Mi la plej respektas Zamenhof kiel majstro de la homaro. Kelkaj amikoj ne komprenas internan ideon de Esperanto. ili pensas ke Esperanto estas nur simpla lingvo kaj komprenas tiel ke Zamenhof adoptis internan ideon al Esperanto por nur propagandi ĝin. Estas ridinda afero ke oni nomas lin majstro,kvankam li nur estas neniu alia ol kreinto de lingvo. tamen, Kiu historie faris klopodon por unuigi homaron krom Zamenhof per ne religio sed nur simpla lingvo ?? Mi akceptas internan ideon kaj homaranismon. Zamenhof ne adoptis internan ideon al Esperanto por propagandi Esperanton. Ne, Inverse Zamenhof adoptis Esperanton al interna ideo por unuigi homaro. Ĉu homaranismo kaj interna ideo estas malbona por vi ? Ne rigardu al Esperanto kiel nur simpla lingvo,sed rigardu al Esperanto kiu havas grandegan ideon,kiu eĉ povos savi ĉi tiun mondon. Hodiaŭ ankaŭ homoj interbatalas kaj mortigas unu la alian pro religioj kaj diskriminacio de gentoj,nacioj,ĉu ne ? Esperanto ne estas nur simpla lingvo. Tute ne ! Ni pripensu kial,por kio,por kiu li kreis Esperanton. Esperanto estas bona lingvo,ĉar ĝi apartenas al neniu nacioj. Mi ĝojas ke mi povas paroli kun iuj ajn ,kiuj lernis ĝin. Dankon al Zamenhof ke vi donis Esperanton al homaro senpage por ke oni uzu Esperanton en bona celo.
Welcome to ipernity!
Tjeri says:
Nu, ĉu viaopinie ili ne estas esperantistoj?
Onklo says:
Onklo edited this comment 5 months ago.
David Dougherty says:
Mi mem interesiĝis pri Esperanto kiel lingvo, kaj trovis ĝin facila kaj fascina, kaj lernis ĝin.
De tio kion mi lernis pri la Interna Ideo, mi pensas ke mi jam aplikis la internan ideon kiam mi lernis kaj uzis aliajn lingvojn. Estas memkomprenebla ke oni lernas lingvon precipe por pli bone kompreni aliajn homojn, kaj ofte oni iĝas pli tolerema kiel homo.
Esperanto estas pli facila kaj efika lingvo por lerni. La lernado kaj interkomprenado estas malpli problemema. Mi surpriziĝis kiom efike mi povas komunikiĝi per ĝi, eĉ post mallonga lernado. Ĝi estas fleksebla, kaj mi ĝojas krei vortojn memstare por esprimi miajn ideojn tre libere. Mi pensas ke mi devas diri nenion pli.
Stanislaw Rynduch replies:
mi legis kelkajn viajn eldirojn. Tre plaĉis al mi. Vi pensas tre sobre kaj racie,
Tre bone, ke vi uzas Esperanton por interkompreniĝi kun aliaj lingvanoj. Tion oni povas en certa grado ankaŭ fari en iu nacia lingvo, sed Esperanto ne nur , ke estas pli facile lernebla, sed tre logika kaj senkomplika en uzado.Se mi havas eblecon paroli oficjale kaj havas eblecon uzi Esperanton, mi elektas ĝin volonte, ĉar estas pli facile ĉiun komencitan frazon senprobleme fini.
Praktikado de Esperanto signifas ne nur interkompreniĝi, sed pro la neutrala fakto ĉiu estas sur sama nivelo kaj ĉiu sentas sin samrajta.Pro facila interkompreno oni pli facile ekkoniĝas kun alia lando, ĝia kulturo, kutimoj kaj estas ankaŭ tiujn morojn pli facile kompreni.Sekve oni estas pli tolerema kaj komprenema. Kaj vi pravas tio ankaŭ estas jam almenaŭ parto de interna ideo.
Vere interna ideo estas iom pli multe.Esperanto-aranĝoj, kluba vivo, Esperanto-himno,idea verso, kulturado de E-pasinteco...estas tio kio helpas travivi eĉ malbonajn tempojn.Kiam Esperanto estos populara la interna ideo ĉesos tute normale ekzisti.Jam nun , pro vasta intereta uzado multaj uzas la lingvon kaj ilin tute ne interesas iu interna ideo, ĉu esperantologio...
Zamenhof ankaŭ kredis, ke nur lingvo ne ŝanĝos homojn, tial pesis pluen,sed ni nun lasu tion ĉar estus tro longe.
Kore salutas vi pola esperantisto en Germanio - Stanislavo
Alberto Kalnins says:
Komuna lingvo ne povas unuigi homaron divigitan pro religiaj, rasaj, politikaj kaŭzoj.
Tio estas utopio.
Ekzemple milito en Irako inter fluoj de muslimoj: sunitoj kaj ŝiitoj.
Komuna lingvo ne malhelpas mortigi kontrauloj. Ĉuij konas multajn ekzemplojn de tio.
Alberto Kalnins edited this comment 5 months ago.
Motoko Uekusa says:
Onklo says:
Viro stulta
Via malamiko ne estas mi.
Via nekonatulo nur estas mi.
ĉi tiu versaĵo diras al homoj ke ili amikumu reciproke.Ni amikumu per Esperanto !
Tiam ni povos atendi pli bonan mondon !
Tonyo says:
Estas iometa kontraŭdiro en ambaŭ konceptoj, sed laŭ mi estas bone insisti pri ambaŭ aferoj: ke plejmulto de ni aliĝis al Esperanto por strebi al pli justa kaj paca mondo, sed ke inter ni estas multe da pluraleco. Mi ŝatas insisti pri tio: http://www.delbarrio.eu/2005/08/la-pluraleco-de-esperanto.htm
Vere Esperanto ne estas mirakla, sed ĝi estas "bona", ĉu ne?
Kim Ribeiro says:
En tia senco, mi rekonas lin kiel genio. Lia "interna ideo" estas tre varia...