(eo) HHK Vol. 1 <artikolo en Mojose>

2009 certe estos la jaro de la hiphop en Esperanto.

Unue, januare 2009 estis la eliro de la Pafklik albumo. Poste, venis turneo de Tone el Brazilio kiu ludis en KEF, IJK, UK, Festo… Tie li vendis sian mallongan produkton (6 titoloj « Repe, Ritme, Sone… » baldaŭ ĉe http://vinilkosmo-mp3.com) . Ankaŭ la albumo de Eterne Rima (« Reĝo de la strat’ » Aŭtumo 2009)..

Nun venis la ne plu atandita Hiphopa Kompilo Vol. 1 !!!

Malnova projekto

En 2006 Floréal Martourel lanĉis alvokon… De tie venis malsufiĉe da alkvalita materialon por eldoni « veran diskon ». Tri jaroj poste la projekto estis relanĉita de Roĝer Borĝers. La hiphopo evoluas rapide, merkato de la disko ne tiom bone fartas… Ĉu libera elŝultada albumo eblus ? Ni parolis kun Floréal. Kaj jen la dua vivo de la projekto. Kun amasoj da partoprenantoj el buntaj landoj..

La pioneroj

• Eterne Rima [Japanio / Polando]

Polanddevena li nun loĝas en Japanio. Eterne Rima faris tutan provalbumon en 2001… Li por la kompilo proponas « Amika man’ », kaj « Batas la kalkan ». Ambaŭaj kantoj temas pri la Esperanto-movado… Energie kaj altkvalite, tiu donas finfine la unuan produktaĵon de Eterne Rima

• Dolchamar [Danio]

Dolchamar kompreneble… Estis la unua kiu faris sukceson kun hiphopa kanto « Ĉu vi pretas ? ». Li proponas kanton kun Trackman Artiflex el Ĉilio : « Enmigranto. » Serioza temo por malrapida dolĉa muziko. Tiu titolo estis remiksita de Roĝer Borĝes

• La Pafklik [Francio]

Ĵus post la eldono de « Fek al Esperanto » decembre 2008, ili devis rapide krei novan titolon por la kompilo… « Hiphopa epopeo » estas invito al vojaĝo de la « vera historio de la Pafklik ». Por tiu kiu ne jam aŭskultis la albumo. Vi gustumos acidan humoron de la Pafklik kun amuza instrumentaro…

• Jan Schroeder [Germanio]

Tiuj (maljunuloj ?) kiuj partoprenis IS 2000, memoras lian konceryon. Seksperanturismo klasiko salvita !! Dank’al Hiphopa kompilo ! Kruda sed tre amuza teksto… « En la diskejo, en la necesejo, en la estar-kunsido de Tejo… »

• Tone [Brazilio]

Vi certe jam konas « Esp-E-Ran-To estas nova kanto, la via, la mia, la lingvo interancia »… Ĉu ne ? Sed ĉu vi sciis ke estis de Tone. « Verva virino » temas ankaŭ seksaj sentoj sed ĉi-foje kun brazila maniero… « Tre bone ! » dank’al muziko far’ de Roĝer Borĝes

Malkovroj

• Argenta nubo [Koreio]

Kia energio ! Malfacile por kompreni, sed tamen tre bone « Rezista Festo, jen nia stilo. Solidariĝu per danco kaj kanto »…

• Musabana [Danio]

Frenezulo ! La muziko estis farita en la studio de Samir (el EspoDespo) remiksita de Roĝer Borĝes… « Diru al mi ĉu mi kopirajtas », jes fakte..

• Trackman Artiflex [Ĉilio]

Post la partopreno kun Dolchamar… Oni nun aŭdas liajn pensojn dum biciklado « La biciklo por mi la plej bona ilo. Volas min atingi fina venko nu per ĝi. […]»

• Esperanto [Polando]

Ne esperantista tamen ili nomas sin « Esperanto » kaj subtenas la ideon do ni petis de ili unu “W Miedzyczasie” (Interkanto)

• Alejandro Cosavella [Argentino]

En ĉiuj stiloj li estas… Parolo ne tro hiphope verdire sed tiom bela ! Lasta remikson de Roĝer Borĝes.

Elŝulti

http://hiphopesperanto.blogspot.com/

Aŭskulti:

http://tinyurl.com/hiphopakompilo