Ladislao's blog/

Mi estus scivolema ankaŭ pri via opnio: ĉu nur mi observas tion, ke la E-lingva spaco de Ipernity ekde kelkaj tagoj ege vigliĝis? Ŝajnas al mi, ke pli kaj pli da hungaraj esperantistoj aperadas ĉi tie, kaj dank' al Dio, iuj el inter ili ankaŭ kunportas realan enhavon (nun mi ne parolas pri mi mem :-)...

Ŝajne, Ipernity estas alloga ankaŭ tial, ĉar ĉi tien oni povas publiki ian ajn formon aŭ formaton de produktaĵoj (dokumentojn, fotojn, muzikojn, videojn k.t.p.). Jen, Ipernity ekis montri sian imponecon danke al la multtipaj aplikaĵoj uzeblaj sur ĝi.

Estus bone, se la portalo havus opcion importi blogojn, blogafiŝojn el aliaj, pli maljunaj blogserviloj, ekzemple el Blogspot. Ankaŭ tial, ĉar mi translokigus mian alian blogon ĉi tie. Ĉu havas iu ajn ideon, kiun kontakti por certe realigi tian eblecon?

Interesa provo estas la iniciato de Esperanto-USA (ELNA) lanĉi denove la Tagon de Blogo en Esperanto. Laŭ iniciantoj, la celo estas verki sur du- aŭ multlingvaj blogoj afiŝojn pri lingvaj problemoj, kaj publiki ilin en pli da lingvoj la 15a de decembro. Mi iomete plupensis la inicaton...

Laŭ mi estus interesa ekprovi ĉe iuj pli grandaj naciaj portaloj traduki al pli da lingvoj - helpe de Esperanto - iun artikolon proponitan/elektitan de la redakcio mem, kaj peti de ili publiki la multlingvajn tradukojn dum unu tago, en la 15a de decembro.

En la kazo de Hungarujo, mi ekprovos kontakti la plej grandajn novaĵportalojn (index.hu kaj origo.hu), sed mi serĉas almenaŭ du-tri kunlaborantojn, kiuj tradukus la esperantigitajn artikolojn (maksimume du!) al siaj gepatrlingvoj (angla, rusa, hispana, franca k.t.p.). Ŝajne, ni ne havas multe da tempo, do laŭ mi estos sukceso se mi/ni konvinkus nur unu grandan portalon...

Ĉu vi havas emon helpi min/nin?

Aktualigo:
Nu, mi sendis mian/nian oferton al la plej granda portalo el Hungario, index.hu. Senpacience mi atendas ilian respondon... Pri ĝi ŝajne naskiĝos nova afiŝo.

Sukceso!
La plej granda novaĵportalo el Hungario partoprenas Zamanhof Tagon. Dum unu tago ĝi publikos esperantlingvan artikolon - espereble sur ĝia ĉefpaĝo. La portalo ĉiutage havas pli ol 500.000 individuajn vizitantojn. Detalojn poste kun ligilo! Ĉar portalo dokumentos la vizitontojn de esperanta artikolo, bv. reklami ankaŭ vi ĝin! Antaŭan dankon!

La plej granda novaĵportalo el Hungario partoprenas Zamanhof Tagon. Dum unu tago ĝi publikos esperantlingvan artikolon - espereble sur ĝia ĉefpaĝo. La portalo ĉiutage havas pli ol 500.000 individuajn vizitantojn. Detalojn poste kun ligilo! Ĉar portalo dokumentos la vizitontojn de esperanta artikolo, bonvolu reklami ankaŭ vi ĝin, do reveni ĉi-blogen por detaloj! Antaŭan dankon!