Nu, de du semajnoj funkcias la tn. Esperanto 2.0 TV. La nomo de projekto ŝajnas troa iomete, tamen ĉiusemajne mi (ni - Hungaria Esperanto-Asocio) volas dissendi ĉ. 10 minutajn filmetojn (plejparte intervjuojn), en la unua periodo de la projekto ĉefe kun eminentaj esperantistoj el Hungario, sed ne nepre pri Esperanto mem.

Eĉ, mia/nia intenco daŭre restas pruvi la uzeblecon de la lingvo. Do, la temoelekta procedo ne striktiĝas nur je la lingvaj/movadaj temoj. Laŭ mi, same (aŭ plej!) gravas, ke ni ĝuu la komunikadan eblecon de Esperanto. Mi ne volas igi nian projekton memcela, bonvolu helpi min per viaj reagoj, se vi havas, kompreneble... Tion vi povas fari ankaŭ vizitante nian retpaĝon, la informkolektan retejon ESENCOJ.info.

Dankojn, kaj jen la unuaj du filmetoj. Kritikemuloj bonvenaj, kiel ĉiam!

Timoj pri la rekono de E-lingvoekzamenoj
Pri la Programo Lingvolanĉilo