Videbla aŭ ne, sed la Hungara Esperanto-Asocio (HEA) ekis sian interretan projekton. Sub mia gvidado (hehe) ni lanĉis (krom mia persona blogo) ankaŭ la centran informkolektan e-lingvan portalon ESENCOJ. Ĉi-lasta paĝo enhavas, enhavos ne nur novajn sciindaĵojn pri hungara e-movado, sed laŭ nia intenco troviĝos tie ankaŭ mondaj informoj rilataj Esperanton. Kaj kompreneble babilejo, fotokolektaĵoj, dokumentaro ktp.

La plej nova novaĵo de ESENCOJ estas la Libroservo Reta, de kie oni povas aĉeti diversajn eldonaĵojn interrete (tra PayPal, helpe de kreditkarto, aŭ uzante pli tradiciajn pagmanierojn).