[ia] Heri io ha visitate le club esperantista de mi urbe, proque recentemente io ha incontrate con le leader de illo e ille me promitteva telephonar pro informar me, quando il habera un incontro in le club. Va ben, io diceva e io non resisteva. Il essera pro me certo un bon experientia, revider cognoscitos que io non videva ja de annos - io pensava. Quando nos duo se incontrava, ille mentionava, que io deberea pagar quota [eo] "kotizon" proque io es membro del [eo] "fervojista fakgrupo" [ia] (gruppo professional de ferrovieros esperantista) de 1992. A saper: io non visitava le club ja de annos. Assi io iva a in le club primarimente pro pagar mi debitas e pro cessar mi membrato in le gruppo de ferrovieros esperantista (a saper: io non ha essite jammais un ferroviero, solmente mi patre e duo de su fratres, de plus mi granpatre e su patre era ferrovieros - io solmente era un esperantista). Proque a pagar pro le nihil? Io non ha jammais experientiate ulle avantage de esser membro de ille organisation esperantista-ferroviari, io non usava mi membrato e in plus io non es active in esperanto mesme ja de multe annos. Ma le leader del club - al mesme tempore un ferroviero - non vole cessar mi membrato! Assi io debera pagar anque in plus! Io deveniva irate in me (ma non lo monstrava): esque on non pote liberar se del passato?! Esque lo qui olim era un esperantista, remane esperantista anque quando ille ja non plus es active in illo, quando ille ja abandonava esperanto, quando ille ja prefere un altere lingua auxiliar...?! Usque le morte, pro le eternitate...?

Del resto le membros del club non se cambiava (ni le loco, le construction, le layout - le arrangiamento, le mobiles non ha essite cambiate durante le annos), illes aspecta justo como in le tempore quando io cessava ir a in le club (forsan solmente le leader es plus corpulente e le mustachio de un membro contine plus pilos gris, que anteriormente). E non se cambiava anque, que illes non del toto parlava in esperanto, solmente in hungaro... Un del causas pro le qual io abandonava visitar le club...