Ateno, Grekujo, 10/10/2012.

2012. "ΔΙΕΘΝΗΣ ΓΛΩΣΣΑ ESPERANTO, 1887-2012, 125 XΡONIA",  404 σελ., Αθήνα. ISBN 978-960-93-4363-3. Επετειακή έκδοση στα Ελληνικά. Ιστορική καταγραφή των 125 χρόνων της Hodiaŭ, longe mi foliumis kaj refoliumis la novan, imponan, greklingvan verkon de Kostas Kiriakos "ΔΙΕΘΝΗΣ ΓΛΩΣΣΑ ESPERANTO, 1887-2012, 125 ΧΡΟΝΙΑ" ("ΙNTERNACIA LINGVO ESPERANTO, 1887-2012, 125 JAROJ, ekde la 19a ĝis la 21a jarcento").

Mi deziras komuniki mian ĝojon kaj fierecon pro la valora nova produkto de la daŭra laborado de Kostas Kiriakos, kiu en la lastaj jaroj estas la kerno, la animo mem de la malfortiĝinta greka E-movado.

Estas sciate, ke K. Kiriakos, post longa, ege peniga laboro, preskaŭ tute sola kreis la grandiozan retpaĝon de nia greka E-asocio (www.esperanto.gr ), kiun senĉese, zorgeme pliriĉigas kaj plibonigas.

Nun, okaze de la 125jara datreveno, li decidis prezenti en libron parton de la retpaĝa materialo, lerte kaj artisme kombinita kun riĉa nova materialo, freŝa, juneca, entenanta eĉ la plej lastajn interesajn informojn rilate al la internacia E-aktivado.
Temas pri 400paĝa (kun pli ol 1.000 koloraj fotoj) alloga enhavo, pri aspekto belega, pri verko grava.

Kostas Kiriakos, kompreneble scias ke pri tiu ĉi lia nova verko interesiĝas tre malmultaj personoj. Li verkas ĉar li kredas al posteuloj, ĉar, tre prave, li estas certa, ke iam, en pli bonaj jaroj, nepre estos multaj junaj Grekoj, kiuj ne restos indiferentaj por la nobla ideo kiu nin konkeris.

Eĉ pro tio li meritas gratulojn!

Spiros Sarafian