Steloj

Saluton! La ruĝa stelo estas simbolo de komunismo, sed la stelo mem ne estas. Memoru, la blanka stelo estas simbolo de Usono (kiu havas 50 de ili sur ĝia flago), kaj Usono ne estas komunisma. La verda stelo, kiel simbolo de esperanto, estas tre bona.

Oni ofte misuzas simbolojn. Poste homoj asocias ilin kun la plej malbonaj okazoj, kie ili estis uzitaj (ĉi tie ekzemple la teroro de Stalin).
Preterpase, eĉ svastiko tute ne estis origine malbona, kiel barata simbolo de prospero k.s. Sed bedaŭrinde en la eŭropaj kondiĉoj estus freneza iam plu uzi ĝin...

Komence de la 1980aj jaroj oni faris esploron, kaj montriĝis, ke la plimulto de la personoj havis negativajn sentojn pri steloj. Ekzemple pri blankaj steloj oni ne tuj pensis pri la steloj sur la usona flago, sed pri la blanka stelo sur usonaj tankoj ... La stelo ankaŭ estis ligita kun la ideo "malnova", "malmoderna".

La stelo sur la boteloj de Heineken estas ruĝaj, malgraŭ la ideo de komunismo... Kvaliton de hoteloj ĉie montras steloj, ktp... Vere, la jubilea simbolo estas pli bona simbolo ol stelo ĉar ĝi havas du "E" literojn, sed la verda stelo ankaŭ estas bona, laŭ mia opinio :)

...Stelo povas esti ĉarma "figuro" se oni desegnas okulojn kaj buŝon por ĝi :)

Pintaj figuroj estas perceptitaj kiel agresemaj. Steloj, ankaŭ estas viditaj kiel malnovaj simboloj. Tamen, verda stelo estas nia simbolo kaj ĝi daŭre devas esti, tiel do, ni serĉu kaj trovu rimedon pliagrabligi kaj allogigi la simbolon. Sed ĝi estu verda stelo.

Pri tiu temo vidu:
www.angelfire.com/ny2/ts/stelo.html
cxe interpopolalingvo.inf.hu

Saluton Thierry, ĉe Ipernity! :)
Dankon pro via komento, kaj dankon la ligilon.
Mi pensas ke diferencaj steloj simbolas diferencajn ideojn. Eble la verda stelo estas arkaika, sed multaj firmaoj ankoraŭ uzas stelojn - kial ne uzu ĝin la esperantistoj? :)
Vere, la uzado de la jubilea simbolo estus pli bona ol la verda stelo ĉar la "E" literoj estas pli esprimplenaj ol stelo - sed mi ne pensas ke ni devus stari kontraŭ la verda stelo.
Milito, politiko, kaj tiel plu - ĉiuj scias kiuj steloj apartenas al kiuj ideoj. Kaj kiuj homoj ne scias, tiuj homoj ankaŭ ne pensos ke verda stelo apartenas al iu ideo... Se esperantistoj uzus verdan cirklon aŭ verdan kvadraton - iu povus trovi iun malbonan ideon al ĝi :))) Al ĉiuspeca simbolo iu povus trovi malbonan ideon, mi pensas.