Kirill Ŝvedov's blog

Saluton! Mi alvokas Esperantistojn helpi min en afero, kiun mi opinias tre grava. …read more

Lige kun mia lasta blogaĵo interesas noti, ke mi jam ne unu fojon ricevis admirajn replikojn: "Vi faras tiom grandan laboron!" de aliaj E-istoj. Do, mi volas diri, ke tio ne estas vera. Mi faras nenion elstaran, mi nur agas, kiel endas agi. Kaj se tio aspektas io unika, oni povas taksi tion alarmsignalo.
…read more

Denove cirkonstancoj estis tiaj, ke mi longan tempon ne revenis al Ipernity. Dum ĉi tiu periodo estis multaj okazaĵoj, certaj el kiuj igis nin ĉiujn emociiĝi. Same kiel ĉiuj aliaj Esperantistoj mi esprimas kondolencon al la japana popolo, kaj certas, ke ĝi sukcesos venki ĉi tiun malfeliĉon. Tamen por plibonigi ĉian situacion bezonatas unuavice agoj. Ankaŭ tial mi volas hodiaŭ prezenti interesan novaĵon.
…read more

Antaŭnelonge en la blogo de Zlatko Tišljar aperis rimarkinda artikolo, kiu plurfoje levas nian eternan demandon: kion fari? Komence mi volis repliki ĝin en komento, sed amplekso da skribota teksto montriĝis tro granda por tio. Do, mi respondas ĉi tie.
…read more

Kiel multaj el ni scias, legante prikomputilajn novaĵojn, nuntempe oni rimarkinde apogas liberan programaron, kiu povas krei pli oportunajn kaj justajn kondiĉojn por ordinaraj uzantoj. Tiuj ne plu devos pagi al unu monopolo. Tamen, domaĝe, en profesiaj celoj oni ankoraŭ utiligas liberan programaron tre malmulte.
…read more

Hodiaŭ mi volas rakonti pri okazaĵo, kiu estis unu jaron antaŭ. Sed komence mi diru kelk vortojn pri mia hejma urbo.
…read more

Verŝajne, kelkaj legantoj de mia blogo jam scias, ke mi partoprenas ankaŭ projekton Verda Filmejo, kiu nuntempe estas unu el tre malmultaj, bedaŭrinde, kreitaĵoj en Esperanto, digne prezenteblaj por la ekstera mondo. Tamen ne ĉiuj scias, ke ĝi ne estas unua projekto, kiu celis prezenti en Esperanto kinon. Ĝin antaŭis projekto Kino en Esperanto rete, kiun mi kreis printempe 2007. …read more

Unu el celoj, kiujn mi starigis kreante ĉi tiun blogon, estas serioza interparolo pri problemoj kaj perspektivoj de Esperanto. Komenci ĉi tiun interparolon mi volas de temo eksterdube rimarkinda.
…read more

Hodiaŭ en nia lando solena kaj malgaja tago: 65-a datreveno de la fino de la milito. Pli detale mi skribis pri tio unu jaron antaŭ. Nun mi volas nur aldoni, ke por mi ĉi tiu tago estas unuavice akra sento de doloro pro ĉio, kio okazis al la homaro. Des pli aboneminde estas observi, ke nuntempaj potenculoj uzurpas ĉi tiun tagon por glori sin - kvazaŭ estas iu ilia merito en tio, kio okazis pli ol duonon da jarcento antaŭ...

Tamen, ne tio estas plej grava. Plej grave estas memori tion, kio okazis, por ke tio okazu neniam plu. Kaj ĉi tie unu el plej impresaj okazaĵoj estis dokumentaj filmoj, montritaj hodiaŭ en unu el televidaj kanaloj. En la 1970-aj jaroj poeto, verkisto kaj milita korespondanto Konstantin Simonov, aŭtoro de klasikaj versaĵoj kaj romanoj pri la milito, faris vicon da filmitaj intervjuoj kun militaj veteranoj. Iliaj rememoroj pri la milito, ankoraŭ relative freŝaj, mirfrapas per sia sincereco kaj emocipleno. Mi esperas, ke post kelka tempo oni povos konatiĝi kun ili ankaŭ en Esperanto, en projekto Verda Filmejo, kiun mi partoprenas.

Kaj hodiaŭ mi volas ankaŭ prezenti komponaĵon el pri-militaj kantoj. Ĝin plenumas vira koruso de Moskva inĝeniera-fizika instituto. Ĉi tiu muziko esprimas sentojn, kiuj ne bezontas tradukon...

Saluton!

Antaŭ duonjaro mi promesis reveni al mia blogo kaj fari ĝin regula. Do, realeco foje miksas niajn planojn kaj nur hodiaŭ mi povas diri, ke ĉi tiu promeson mi plenumas.

Domaĝe, multaj lastatempaj eventoj ne tre inklinigas onin al optimismo. Tamen, la vivo pludaŭras, kaj revenante al miaj legantoj (kiuj, espereble, troviĝas), mi volas dividi kun ili ion pozitivan.
…read more

Mi bondeziras feliĉan Novjaron al ĉiuj samideanoj!

…read more

Verŝajne, multaj legantoj de mia blogo jam scias, ke unu el ĉefaj miaj agadoj en Eo estas projekto Kino en Esperanto rete, kie mi prezentas malnovajn rusajn filmojn kun subtekstoj en Esperanto. Ĝiaj lastaj ĝisdatigoj estas bona preteksto refoje paroli iom pri signifo de Puŝkin por miaj samlandanoj.

…read more

La 6-n de junio 2009 en Rusio oni festis la 210-jaran jubileon de Aleksandr Puŝkin - la plej granda figuro de la rusa kulturo.

…read more

Post pli ol jarduona paŭzo mi revenas al mia blogo, kiu ekde nun estos, kiel mi esperas, pli-malpli regula. Kaj antaŭ komenci, mi volas denove diri kelk vortojn por klarigi, kial mi faras tion kaj al kio mi strebas.

…read more

Hodiaŭ, la 9-n de majo, en Rusio kaj aliaj postsovetiaj landoj oni festas datrevenon de la fino de la milito kontraŭ Germanio, kiun en nia lando oni kutime nomas la Granda Patria milito.

…read more

Hodiaŭ ortodoksaj kristanoj en la tuta mondo festas Paskon. Kiel mi jam skribis, en la rusia televido formiĝis listo da filmoj, kiujn oni montras ĉiujare okaze de la datreveno de la flugo de Gagarin; sed estas interese, ke lastatempe simila tradicio aperis ankaŭ ĉi-foje. Jam nepra parto de televida programo en nunaj tagoj estas filmo La Pasiono de Kristo de Mel Gibson. Do, tio estas nemalbona rimedo por memorigi al vasta publiko, kia estas kaŭzo de la festo. Por multaj homoj en Rusio Pasko tradicie signifas nur kuliĉojn kaj Paskajn ovojn, kvankam la lastaj ne estas pure kristanisma tradicio.

Mi ankaŭ volas prezenti okaze de la festo belan animaciaĵon, dediĉitan al ĉefa kristana preĝo - "Patro nia". Ĝi estas parto de la projekto, realigita en plej granda rusia studio de animaciaj filmoj "Sojuzmultfilm" komence de la 2000-aj jaroj. Tio estis serio da animaciaĵoj, dediĉitaj al ĉefaj preĝoj de la abrahamaj religioj. La serio inkludas, krom "Patro nia", animaciaĵojn pri islama preĝo Al-Fatiha kaj judisma Ŝma Jisrael. Bedaŭrinde, aliaj du filmoj ne troveblas en la reto, sed ĉi tiun vi povas ĝui:

Hodiaŭ estas la 12-a de aprilo. En Rusio tio estas festotago, ĉar tiun tagon nia lando sendis unuan homon en la kosmon en la jaro 1961. Ĉi tiu tago nomiĝas "Tago de kosmonaŭtiko". En gazetoj kaj televido aperas en ĉi-tage multe da materialoj pri historio de nia kosmonaŭtiko kaj pri homoj, kiuj estis konkerantaj la kosmon. Jam formiĝis listo da filmoj, kiujn la televido demonstras la 12-n de aprilo. Sendube, la plej bona el ili estas La konkero de la fajro (1972) kun brila aktoro Kirill Lavrov en la ĉefa rolo kaj muziko de Andrej Petrov, kiu jam estiĝis klasikaĵo. Kirill Lavrov ludis projektiston de kosmaj raketoj, kies evidenta originalo estis Sergej Korolov, "patro de sovetia kosmonaŭtiko". Nature aperas demando - kial oni ne kreis filmon senpere pri li? La afero estis en tio, ke Korolov havis tiklan paĝon en sia biografio: en la tempo de la Granda teroro de la 1937-38 li estis arestita kaj preskaŭ pereis en koncentrejo. Tamen, hodiaŭ oni forviŝis ĉi tiun blankan makulon - antaŭ kelk jaroj aperis filmo Korolov, kiu rakontas pri ĝuste ĉi tiu epizodo el la vivo de la granda projektisto. Antaŭ jaro oni jam demonstris ĝin en la televido, kaj hodiaŭ ĝi denove aperos tie.

Tamen, estas tempo transiri al la ĉefa evento de la tago. Jen kronika filmo pri la flugo de Gagarin. Endas noti, ke ne ĉiuj ĝiaj partoj estis filmitaj la 12-n de aprilo; kelkaj estis speciale surscenigitaj poste por kinoraporto pri la flugo. Tamen, la filmo donas detalan prezenton, kiel ĉio ĉi tio okazis.

Daŭrigota...

Antaŭ komenci detalan interparolon pri hodiaŭaj problemoj kaj ebloj de Esperanto, mi diru kelk vortojn pri tio, kio kuŝas en ilia fundamento kaj kion oni devas atenti unuavice.

…read more