TESTAMENTO
Jozefo severe malsaniĝis kaj tial li decidis verki testamenton. Li
invitis la rabenon al sia lito kaj diktis al li:
"La domon mi heredigas al nia plej aĝa filo..."
Tiam la edzino enmiksiĝis kaj laŭte-forte diris: "Nia plej aĝa
filo jam posedas domon. Li ne bezonas du. Prefere la domon
ricevu nia plej juna filo."
Akceptis tion la edzo kaj daŭrigis dividi siajn posedaĵojn:
"La butikon mi lasas al mia filino..."
Denove intervenis la edzino kaj diris: "Ne, nia filino ankoraŭ ne
edziniĝis. Ŝi bezonas kontantan monon!"
Tiam la malsanulo ekkoleris kaj murmuris: "Diru al mi, Bejle: kiu
el ni estas mortonta - mi aŭ vi?..."
De Josef Shemer