La praktikado em la lastaj jaroj pruvis, ke tajĝiĉjuano estas grava rimedo por sanigo kaj preventado de malsanoj. Ĝi postulas ne nur movadon de ĉiuj muskoloj kaj artikoj de la tuta korpo, sed ankaŭ egalritman profundan spiradon, movadon de la diafragmo kaj , precipe, altan koncentradon de la spirito. Tio havas bonan efikon por akceli la funkciadon de la centra nerva sistemo, kaj tiel plibonigas ankaŭ la funkciadon de aliaj organoj: sistemoj kardiovaskula kaj spira; ostrado, muskoloj kaj artikoj; metabolo de substancoj em la korpo; digesta sistemo.

La karaktero de tajĝiĉjuano:

Malstreĉiteco kaj Mildeco: La teniĝo estas stabila kaj gracia.La movoj estas nerigidaj kaj konformaj al la homa fiziologia kutimo. Ĝenerale, ne troviĝas movoj, postulantaj eksplodan forton.Tial post ekzercado oni, kvankam iomete ŝvitante, malofte anhelas. Pro tio ĝi estas praktikebla por homoj em malsamaj aĝoj, seksoj kaj sanstatoj, kaj prezentiĝas kiel bona fizika terapio por suferantoj de kronikaj malsanoj.

Kontinueco kaj Egalritmeco: Ĉiuj movoj de tajĝiĉjuano, de la komenca teniĝo ĝis la fina teniĝo, estas kunligitaj sem rimarkebla interrompo.La movoj egalritmaj sekvas unu la alian, kiel akvo fluanta.

Rondmoveco kaj Natureco: L abrakoj de la ekzercantoj ĉiam moviĝas arke, kaj tio estas konforma al la natura fleksiĝo de la artikoj. Oni iam nomis ĝin ronda movado.La praktiko pruvas, k ela ekzercado per ronda movado utilas al fortigo de diversaj organoj de la korpo.

Harmonio kaj Kompleteco: Ĉu em unuopaj movoj, ĉu em tutaj serioj de movoj, necesas harmonio inter la movoj de la diversaj korpopartoj kaj tiu inter la konscio kaj la movoj.Dum la ekzercado oni devas preni la talion kiel akson, por konduki la movojn de la membroj em akordon.

Tajĝiĉjuano havas sian propran karakteron kaj stilon. Ĝi bone efikas por plifortigi la korpon, nur se la ekzercanto donas plenan atenton al ĝia karaktero kaj faras ĉiujn pozojn kaj movojn laŭ la postuloj.Ĝenerale, la ekzercado per tajĝiĉjuano havas tri stadiojn. En la unua stadio oni devas lertiĝi en unuopaj movoj de la piedoj,kruroj, manoj,torso kaj rogardo kaj fari la pozojn ĝustaj, paŝojn stabilaj, movojn graciaj kaj mildaj. En la tria stadio oni devas emfaze sin ekzerci pri forto-uzo kaj natura akordigo inter la konscio,spirado kaj korpa Movado, pork e la movoj estu facilaj , stabilaj kaj harmoniaj.

Fonto: Vojaĝo en Esperanto-Lando de Boris Kolker