This form is secure
Send a message
Search for members
This post is public
Mi hodiaŭ skribas pri doktoro Philippe Van Parijs (pli larĝa artikolo en la angla vikipedio ), belga ekonomikisto kaj filozofo. Li estas profesoro de la universitatoj de Louvain-la-Neuve kaj Harvard. Tutmondan konatecon li havas kiel defendanto de "baza enspezo" kaj prezidanto de BIEN (Basic Income Earth Network=Monda Reto por la Baza Enspezo)
Li partoprenis nitobe-ajn forumojn, kune kun Humphrey Tonkin (US), Mark Fettes (CA), Robert Phillipson (DK), Francois Grin (CH). Li eĉ konatiĝis kun Seán Ó Riain, la prezidento de EEU.
Li nun verkas la libron Linguistic Justice for Europe and for the World (Lingva Justeco por Eŭropo kaj por la Mondo). Jen la prepara (pdf-a) versio de la kvina ĉapitro de la libro: “Lingva diverseco: Kio ĝi estas? Ĉu ĝi gravas?”
Oni scias ke li konsideras ke esperanto ne estas justa lingvo por la homaro.
Antaŭ 3 jaroj, bedaŭrinde, mi maltrafis lian prelegon "“Social Europe: The Linguistic Challenge” en Barcelona Universitato. Mi demandis al konatulo kiu organizis ĝin ĉu li havas resumon aŭ io ajn, kaj li sendis al mi la tekston de la prelego, en la franca, en pdf-a formato: Europe multilingual.
Tiu konatulo mia, kiu membras en la plenumkomitato de Retejo por la Baza Rento kaj estas profesoro de la Sociologia Departamento de la Autonoma Universitato de Barcelona (UAB), diras al mi ke, "...efektive, Philippe ne kredas ke esperanto estas la solvo por tutmonda lingva justeco." Krome ankaŭ sciigas min ke Van Parijs faris ankaŭ kurson en la Universitat Pompeu Fabra (24-a de aprilo 2003), en kiu uzis sian tekston "Europe’s three language problems" (tri lingvaj problemoj de Eŭropo), kiu troviĝis pdf-e interrete, sed dank' al Onagrino mi sciis pri ĝia malapero. Bonŝance mi havis ĝin ĉe mia komputilo kaj ĝin mi alŝutis en mian blogon.
Jen la esperanta referenco, kiun mi tradukis.
En ambaŭ tekstoj Van Parijs montras sian teorion pri la nejusteco de esperanto.
En la hispana mi trovis pdf-an dokumenton de Alejandro Pérez Vidal en kiu Alejandro Pérez parolas pri la penso de Van Parijs.
Onagrino (Dominique)--- (*)pro says:
www.law.nyu.edu/clppt/program2003/readings/vanparijs.pdf
Kio mi opinias pri Van Parijs?
Tre simple: li estas en la kampo de lingvistiko, ekvivalento de Bernard Madoff, tiu usona financisto kiun oni ne senmaskigis pli frue, ĉar li havis multajn amikoj, kaj laij mensogoj estus disfaliginta la tutan sistemon. La domaĝo estas 50 miliardoj de dolaroj... Kiun pagos la pli malriĉaj...
Same estas en la kampo de lingvistiko kaj lingvoj: ne ĉiuj estas honestaj, kelkaj friponas!
Joan Inglada says:
Bonŝance mi havas la dosieron pri la tri lingvaj problemoj de eŭropo kiun mi jam alŝutis tie www.ipernity.com/doc/joaningladaroig/3649560.
Tamen en tiu alia skribaĵo www.ipernity.com/blog/joaningladaroig/33512 mi tradukis la parton pri esperanto de tiu dosiero.