La unua arbaro

La grupo Relk de Arenys (Katalunio), registris la poemon de la verkisto, filologo kaj historiisto Jordi Bilbeny, "La unua arbaro" dediĉita al Lluís Maria Xirinacs (jen foto). La grupo registris ĝin nur voĉe kaj piane, Mardon 18-an de Septembro, 2007, en Mataró (Katalunio), kun Joan Villanueva ĉe la teknika parto. La poemon verkis Jordi Bilbeny, la muzikon Joan Vallcorba, kaj la interpretisto estis RELK (Maira Comalat estas la kantistino kaj Joan Vallcorba la pianisto).


Libera traduko:


La unua arbaro

La lasta arbaro, la lasta ĉielo, la lasta loko
de la mondo, kie la liberulo vekiĝadis
de la malnova kaptilo de la oro, de la malnova
senutila povo de la povo en servuto.

La lasta arbaro, la lasta ĉielo, la lasta takto

de la koro. Kiel granda arko kiu agordas kaj streĉas

la nevideblajn muskolojn de la spirito
kaj densigas la paŝon laŭ la vojo.

La lasta arbaro, la lasta ĉielo, la lasta granda gesto

levita kontraŭ la timo, kontraŭ la fiero
de la ciklopoj blindigitaj en nestoj de lumo,
kiuj kaŝas la horloĝojn de la futuro.

La lasta arbaro, la lasta ĉielo, la lasta spiro
kiu nun vivas en mia interno kiel la unua
spiro de la unua arbaro, de la unua ĉielo,
de la unua liberulo kiu, en la morto,

donas vivon al la vivo, korpon al la korpo,
voĉon al ĉiuj voĉoj, sangon al la sango.
Kaj najlas en nin la fulman certecon
ke ni estas nur se ni estas liberaj!