About this blog

  • 369 posts
  • 16 500 visits
May 2012
  Sun Mon Tue Wed Thu Fri Sat  
      1 2 3 4 5  
  6 7 8 9 10 11 12  
  13 14 15 16 17 18 19  
  20 21 22 23 24 25 26  
  27 28 29 30 31      

Archives

Jianping Zhao

Jianping Zhao's blog

May 20th, 2012

Rasmussen: ĉefa temo de Pintkonferenco de NATO estas eŭropa ŝuldkrizo

La 19-an de majo en Ĉikago de Usono, Fogh Rasmussen, ĝenerala sekretario de NATO, diris, ke la unua paroltemo en la Pintkonferenco de NATO okazonta en la 20-a de majo estos la eŭropa ŝuldkrizo influanta plejpartajn membrojn de la organizo.

Fogh Rasmussen opiniis, ke la unua paroltemo de la Pintkonferenco de la gvidantoj de membrolandoj de NATO okazonta posttagmeze de la 20-a en Ĉikago estos la influo de la eŭropa ŝuldkrizo al NATO kaj ankaŭ tio, kiel oni konservos sekurecon en la cirkonstanco de fiska striktiĝo.
Published at 09:23AM ( 0 comments / 15 visits )
This post is public

May 20th, 2012

Grupo de Ok emfazas akceli kreskon kaj dungadon

La 19-an de majo la Grupo de Ok (G8) esprimis, ke la urĝa tasko por la Grupo de Ok estas akceli ekonomian kreskon kaj dungadon. Grekio ankoraŭ devas resti en eŭrozono kaj la Grupo de Ok faros sian eblon por revigligi ekonomian kreskon kaj trakti la premon de la financa merkato.

La Deklaracio de Camp David publikigita post la fermiĝo de la Pintkonferenco de G8 montras, ke aperis pozitiva signo por la revigliĝo de la tutmonda ekonomio, tamen ankoraŭ estas rigoraj defioj.

La deklaracio emfazas, ke diverslandaj registaroj devas preni rimedojn por akceli kreskon.
Published at 08:59AM ( 0 comments / 3 visits )
This post is public

May 20th, 2012

Irano esperas atingi interkonsenton kun IAEA pri nuklea problemo

La 19-an de majo irana eksterafera ministro Ali Akabar Salehi diris, ke Irano esperas atingi interkonsenton kun la Internacia Atom-Energia Agentejo (IAEA) pri projekto por solvi la iranan nuklean problemon.

Citante vortojn de Ali Akabar Salehi, Irana Studenta Novaĵ-Agentejo raportis, ke Irano kaj la Internacia Atom-Energia Agentejo diskutos pri la maniero kaj framo por solvi la iranan nuklean problemon, kiam Yukiya Amano, ĝenerala direktoro de la agentejo, vizitos Iranon en la 21-a de majo, por forigi la dubon de la Internacia Atom-Energia Agentejo pri ekzisto de irana nuklea aktivado.
Published at 08:42AM ( 0 comments / 5 visits )
This post is public

May 20th, 2012

Wu Bangguo renkontiĝis kun kroata prezidento

Posttagmeze de la 19-a de majo laŭ la loka tempo en Zagrebo, farante oficialan kaj amikan viziton en Kroatio, Wu Bangguo, prezidanto de la Konstanta Komitato de la Tutlanda Popola Kongreso de Ĉinio, diris, ke Ĉinio subtenas ĉinajn entreprenojn fari investon en Kroatio kaj aktive partopreni en la konstruado de havenoj, fervojo kaj elektrejoj kaj kuraĝigas ĉinajn civitanojn vojaĝi al Kroatio.

Samtage en la prezidentejo Wu Bangguo renkontiĝis kun kroata prezidento Ivo Josipovic. Wu Bangguo diris, ke Ĉinio kaj Kroatio havas tre firman politikan bazon. Ĉiuj registaroj de Kroatio praktikas la politikon pri unu Ĉinio kaj ĉiam donas al Ĉinio valoran subtenon rilate Taiwan, Tibeton, homajn rajtojn kaj aliajn problemojn.

Ivo Josipovic diris, ke ambaŭ Kroatio kaj Ĉinio klopodas por disvolvi pacajn, amikajn kaj kunlaborajn rilatojn inter si. Kroatio alte taksas la pacan diplomatian politikon de Ĉinio kaj aprecas la grandegajn atingojn de Ĉinio en la socia kaj ekonomia evoluado.
Published at 08:25AM ( 0 comments / 7 visits )
This post is public

May 20th, 2012

Sudano esperas solvi diverĝojn kun Sud-Sudano per intertraktado

La 19-an de majo en Kartumo, Thabo Mbeki, eksprezidento de Sud-Afriko kaj mediacianto de Afrika Unio, interparolis kun sudana prezidento Omer Hassan Ahmed Elbashir. Post la interparolo Thabo Mbeki diris, ke Omer Hassan Ahmed Elbashir promesis solvi diverĝojn kun Sud-Sudano per intertraktado.

Post la interparolo Thabo Mbeki diris al raportistoj, ke li kaj la sudana prezidento diskutis pri la sekureca problemo inter Sudano kaj Sud-Sudano. Li diris, ke la sudana prezidento emfazis, ke Sudano observos ĉiujn interkonsentojn atingitajn de Sudano kaj Sud-Sudano pri la sekureca problemo.
Published at 07:00AM ( 0 comments / 8 visits )
This post is public

May 20th, 2012

Suicida aŭtobomba eksplodigo en orienta Sirio kaŭzis morton de 9 homoj

Antaŭtagmeze de la 19-a de majo en la urbo Deir Ezzor, orienta Sirio okazis suicida aŭtobomba eksplodigo, en kiu almenaŭ 9 homoj estis mortigitaj kaj pli ol 100 homoj vundiĝis.

Iu vidinto de Deir Ezzor diris, ke li aŭdis eksplodegon, kiun sekvis grandega fumo.

Laŭ raporto de la Nacia Televid-Stacio de Sirio, la atakinto eksplodigis aŭton plenan de eksplodaĵo antaŭ domego de konstrua kompanio de militaj instalaĵoj.
Published at 06:40AM ( 0 comments / 8 visits )
This post is public

May 20th, 2012

Grekio malorganizis parlamenton por nova elektado

La 19-an de majo greka prezidento Karolos Papoulias faris prezidentan dekreton kaj proklamis malorganizi la parlamenton kaj okazigi novan elektadon de la parlamento en la 17-a de junio.

Tio estos la 2-a elektado de la parlamento de Grekio en malpli ol 2 monatoj. Laŭ la dekreto la nova parlamento okazigos la 1-an kunvenon en la 28-a de junio.

En la elektado de la greka parlamento okazinta en la 6-a de majo 7 partioj eniris la parlamenton, tamen neniu partio gajnis plimulton de sidlokoj. Post la publikiĝo de la rezulto en la 7-a de majo la unuaj 3 partioj alterne provis organizi koalician registaron, tamen neniu sukcesis.
Published at 06:27AM ( 2 comments / 5 visits )
This post is public

May 20th, 2012

Suicida eksplodigo en sudorienta Afganio mortigis 6 homojn

La 19-an de majo afgana oficisto diris, ke en la sama tago en la afgana orienta provinco Khost ĉe la landlimo kun Pakistano okazis suicida eksplodigo, kiu kaŭzis morton de 6 homoj.

Iu oficisto de la provinca registaro informis, ke je la 2-a horo posttagmeze iu armito eksplodigis bombon ĉe iu kontrolejo, kio kaŭzis morton de 6 homoj, inkluzive de 3 polianoj, 2 civiluloj kaj la atakinto mem. Aliaj 4 policanoj kaj kelkaj civiluloj vundiĝis.

La loka registaro riproĉis, ke Talibano faris la atakon, tamen Talibano ne respondis al la riproĉo.
Published at 05:56AM ( 0 comments / 7 visits )
This post is public

May 20th, 2012

Ma Yingjiu komencis sian 2-an mandaton de taiwan-a gvidanto

La 20-an de majo en Taibei, Ma Yingjiu enoficiĝis kiel la gvidanto de la nova instanco de Taiwan kaj komencis sian 2-an mandaton.

En sia enoficiĝa prelego Ma Yingjiu diris, “En la pasintaj 4 jaroj ni plibonigis la dubordajn rilatojn, mildigis la streĉan situacion en la taiwan-a markolo, alportis pacon kaj prosperon kaj gajnis subtenon de vastaj popolanoj.”

Ma Yingjiu emfazis, ke la dubordaj popoloj ambaŭ apartenas al la ĉina nacio.
Published at 05:43AM ( 0 comments / 7 visits )
This post is public

May 20th, 2012

Hu kaj Ruak reciprokis gratulon pro 10-jariĝo de diplomatiaj rilatoj

La 20-an de majo ĉina ŝtata prezidanto Hu Jintao kaj orient-rimora prezidento Taur Matan Ruak reciprikis gratulan mesaĝon, varme celebrante 10-jariĝon de la sendependiĝo de la Demokratia Respubliko de Orienta Timoro kaj 10-jariĝon de la starigo de diplomatiaj rilatoj inter Ĉinio kaj Orienta Timoro.

En sia gratula mesaĝo Hu Jintao diris, ke de la lastaj 10 jaroj ekde la establiĝo de diplomatiaj rilatoj la du landoj respektas unu la alian politike, helpas unu la alian ekonomie. Ĉinio alte atentas disvolvi bonnajbarajn amikajn rilatojn kun Orienta Timoro, ĉiam subtenas Orientan Timoron en ĝia klopodo por la konstruado kaj disvolviĝo de la ŝtato kaj plu praktikas la orientilon de bonnajbara diplomatio por profundigi disvolviĝadon de la bonnajbaraj amikaj rilatoj inter Ĉinio kaj Orienta Timoro.

Taur Matan Ruak diris en sia gratula mesaĝo, ke nun la statuso de Ĉinio sur la internacia scenejo senĉese altiĝas. Ĉinio, kiel la unika konstanta membrolando de la Sekureca Konsilio de Unuiĝintaj Nacioj en Azio, ludas konstruivan kaj respondecan rolon. En la lastaj 10 jaroj la du landoj akiris riĉajn fruktojn de kunlaboroj en diversaj kampoj. Orienta Timoro estas plena de fido pri la estonteco de la rilatoj inter la du landoj.
Published at 04:51AM ( 0 comments / 9 visits )
This post is public

May 19th, 2012

Ĉina Fervoja Ministerio kuraĝigas privatajn kapitalojn investi fervojon

Lastatempe la ĉina Fervoja Ministerio publikigis dokumenton, montrante ke la ministerio kuraĝigos kaj enkondukos privatajn kapitalojn laŭleĝe eniri la fervojan kampon, normaligos starigon de enira sojlo por investado kaj kroes merkaton kun medio de justa konkurenco kaj egaleca eniro.

La ministerio emfazis, ke la merkato-eniraj normoj kaj favoraj subtenaj politikoj devas esti travideblaj.
Published at 11:16AM ( 0 comments / 21 visits )
This post is public

May 19th, 2012

Wu Bangguo: ekonomia kunlaboro estas plej grava en ĉina-kroataj rilatoj

La 18-an de majo laŭ la loka tempo en Zagrebo, Wu Bangguo, prezidanto de la Konstanta Komitato de la Tutlanda Popola Kongreso de Ĉinio, diris, ke bonaj politikaj rilatoj inter Ĉinio kaj Kroatio kreis favorajn kondiĉojn por pluapaŝe profundigi la pragmatajn ekonomiajn kaj komercajn kunlaborojn. Nun la du landoj devas preni antaŭenigon de ekonomiaj kaj komercaj rilatoj kiel la plej gravan aferon en la disvolvo de la duflankaj rilatoj.

En la sama tago Wu Bangguo, kiu faras oficialan amikan viziton en Kroatio, renkontiĝis kun kroata ĉefministro Zoran Milanovic. Wu Bangguo diris, ke Ĉinio kaj Kroatio devas pluapaŝe ekspansiigi la duflankan komercan skalon kaj solvi la problemon de neekvilibra komercado en disvolviĝo.

Zoran Milanovic esprimis sian atendon al la kroata registaro pri profundigo de la ekonomiaj kaj komercaj rilatoj inter Kroatio kaj Ĉinio.
Published at 10:41AM ( 0 comments / 19 visits )
This post is public

May 19th, 2012

Raporto de Usono rivelis ĝian mensostaton de malvarma milito

La 18-an de majo la usona Departemento de Defendo publikigis sian jaran raporton pri la disvolviĝado de militaj kaj sekurecaj aferoj de Ĉinio. Tamen la raporto daŭre kalumnias Ĉinion pri la tiel nomata “netravidebleco de la ĉina milita forto” kaj pri tio, ke Ĉinio faris retan “spionan” agadon kontraŭ Usono, kio serioze minacas la ekonomion kaj sekurecon de Usono. La 19-an de majo la ĉina novaĵ-agentejo Xinhua publikigis komentarion, montrante, ke la absurda juĝado de Usono kontraŭ la ĉina militafera disvolviĝo naskiĝis pro ĝia mensostato de malvarma milito.

La komentario diras, ke la raporto de la usona Pentagono estas plenaj de spekulativaj priskriboj kaj distordas faktojn. La raporto eĉ elmetas la dubon pri netravidebleco de la ĉina nacidefenda buĝeto. Fakte de 1978 la ĉina registaro ĉiujare publikigas sian nacidefendan buĝeton.

La komentario esprimas, ke la absurda juĝado de Usono kontraŭ la ĉina militafera disvolviĝo naskiĝis pro ĝia mensostato de malvarma milito.
Published at 10:22AM ( 0 comments / 22 visits )
This post is public

May 19th, 2012

Sankta flamo por Londonaj Olimpikoj atingis Brition

Vespere de la 18-a de majo la sankta flamo por la Londonaj Olimpikoj estis transportita de Brita Aerkompanio al Britio.

En la sama tago la delegacio konsistanta el Sebastian Coe, prezidanto de la Organiza Komitato de la Londonaj Olimpikoj, Princino Anne, londona urbestro Boris Johnson, olimpika ambasadoro David Beckham kaj aliaj personoj eskortis la sanktan flamon de Grekio al Britio. Brita vicĉefministro Nick Clegg kaj centoj da lokaj instruistoj kaj studentoj iris bonvenigi la sanktan flanmon.
Published at 08:11AM ( 0 comments / 16 visits )
This post is public

May 19th, 2012

Yukiya Amano vizitos Iranon por diskuti pri nuklea problemo

La 18-an de majo la Internacia Atom-Energia Agentejo konfirmis, ke Yukiya Amano, ĝenerala direktoro de la agentejo, vizitos Iranon en la 20-a de majo por diskuti kun iranaj oficistoj pri la ne solvitaj problemoj en la irana nuklea projekto. La antaŭe difinita dialogo inter la Internacia Atom-Energia Agentejo kaj irana reprezentanto en la irana ambasado en Vieno okazonta la 21-an de majo estos nuligita.

Altarangaj reprezentantoj de la irana registaro, inkluzive de Saeed Jalili, la 1-a reprezentanto de Irano por nuklea intertraktado, partoprenos en la interparolo. Kaj ĉi-foja vizito de Yukiya Amano al Irano ankaŭ manifestas, ke la du flankoj altigas la nivelon de dialogo.
Published at 07:51AM ( 0 comments / 16 visits )
This post is public

May 19th, 2012

Ĉina packonserva trupo en Libano ricevis “Pacan Medalon” de UN

La 18-an de majo la tutaj oficiroj kaj soldatoj de la packonserva trupo de Ĉinio en Libano ricevis “Pacan Medalon” de Unuiĝintaj Nacioj. Patrick Faylin, vickomandanto de la provizora trupo de UN en suda Libano, laŭdis, ke la ĉina packonserva trupo meritas tiun premion.

La premidona ceremonio okazis en la kazerno de la ĉina packonserva trupo en suda Libano. Reprezentante Ban Ki-moon, ĝeneralan sekretarion de UN, Patrick Faylin donis “Pacan medalon” al 335 oficiroj kaj soldatoj de la ĉina packonserva trupo.
Published at 07:32AM ( 0 comments / 15 visits )
This post is public

May 19th, 2012

Pintkonferenco de G8 okazis en Camp David

Vespere de la 18-a de majo en Camp David de Marilando usona prezidento Barack Obama bonvenigis gvidantojn de la Grupo de Ok (G8), kio markis la oficialan inaŭguriĝon de la pintkonferenco de la Grupo de Ok.

En ĉi-foja pintkonferenco la gvidantoj diskutos pri eŭropa ŝuldkrizo, irana nuklea problemo, situacio en Sirio kaj aliaj problemoj. Analizistoj tamen opinias, ke en la konferenco oni malfacile akiros gravajn fruktojn, ĉar ekzistas multaj diverĝoj inter Eŭropo kaj Usono kaj inter Fancio kaj Germanio rilate eŭropan ŝuldkrizon. Tial estas malfacile por la pintkonferenco akiri progreson rilate ekonomiajn temojn.
Published at 07:09AM ( 0 comments / 15 visits )
This post is public

May 19th, 2012

Usona kaj franca prezidentoj interparolis pri eŭropa ŝuldkrizo

La 18-an de majo en la Blanka Domo usona prezidento Barack Obama kaj la alvizitanta franca prezidento Francois Hollande faris interparolon pri la eŭropa ŝuldkrizo, trup-retiriĝo el Afganio kaj aliaj problemoj.

Post la interparolo Barack Obama diris, ke li atendas, ke en la baldaŭ okazonta pintkonferenco de la Grupo de Ok la ĉeestontaj gvidantoj per respondeca maniero faros fruktodonan diskuton pri realigo de fiska striktiĝo “kun projekto de forta kresko”.

Ankaŭ Francois Hollande esprimis, ke kresko devas estis prioritata tasko. Li diris, ke ambaŭ li kaj Obama opinias, ke Grekio devas resti en la eŭrozono.
Published at 05:47AM ( 0 comments / 17 visits )
This post is public

←   ← previous   1 2 3 4 5 6 7 8 9 10 11 12 13 14 15 … 21   next →   →

( 369 posts )

rss Latest posts - Subscribe to the latest posts of Jianping Zhao

 

Català | Čeština | 中文 | Deutsch | English | Español | Esperanto | Ελληνικά | Français | Galego | Italiano | Nederlands | Português | Polski new | Svenska | Русский new | More ...