Mi venos la 19-an al UK

Do bonvolu ĉeesti la ipernity-renkontiĝon! Vidu la koncernan blogaĵon.

Kun plezuro! :)

Saluton, Slavik. Esas al vi bone! Pro UK.
Amsterdam vi ne adaptas, Roterdamon vi adaptas. Cxu instinkte, cxu por evidentigi liberecon?

Cxu vi sukcesis pli- tradidebligi la organizon UEA, lau via programo (2003?). Certe vi ie verkis artikolon pri tio, kie? Tio interesus min.

Amike

Blazio

Mi apenaŭ sukcesis multon dum mia kandidateco krom pli bone kompreni la organizon. Kelkaj miaj ideoj pri UEA aperis, ekz., en la lasta numero de "La Ondo de Esperanto", kutime legebla rete post unu monato ekde la dissendo al abonantoj.

> Amsterdam vi ne adaptas, Roterdamon vi adaptas

A-dam estas fremda urbo, dum Roterdamo ja estas iusence ĉefurbo de la movado :)

Bonvenon al Finnlando, eĉ se nur por rapida traveturo! La flughaveno estas malfermita 24 horojn, vi certe ne bezonos resti subĉiele pro tio. Mi ne scias, en kiujn lokojn oni nokte enlasas la atendantajn pasaĝerojn (pro ia stranga koincido mi mem neniam tranoktis en la loka flughaveno, sed jes ja en alilandaj), sed iuj servoj funkcias tage kaj nokte (ankaŭ nokte surteriĝas kaj ekflugas aviadiloj), certe eblos almenaŭ ion manĝi kaj trinki, post la 6-a horo jam nenia problemo pri tio. Vi ja scias pri la retpaĝoj de la flughaveno (ruse www.helsinki-vantaa.fi/home_ru? sed verŝajne nur la paĝoj fi-sv-en estas kompletaj) . Tio estas paĝoj de la kompanio kiu mastrumas la aerhavenon, kaj tial povas esti fanfarone reklamecaj (“ni estas unu el la plej bonaj” ktp.), sed vi distingos la aferajn faktojn.

Vi certe estos jam frue en Roterdamo, vi probable alvenos en AMS ĉ. la 10-a horo (memoru la hordiferencon) kaj Nederlando estas malgranda kun rapidaj trajnoj rekte el la flughaveno. Bonan vojaĝon!

Pri trajnbiletoj, estus interese scii, kiom vi devus pagi per Tolstoj Moskva-Helsinki. Mi trovis jenan tarifon por finnoj: www.vr.fi/heo/ita/liputven_25052008_alkaen.htm
Laŭ tio la plej malmultekosta (Hel-Mos) estas bileto en 4-lita kupeo: 102,40 EUR. Tio estas “normala prezo”, do verŝajne eblas rabato pro infanoj, pensiuloj, eble studentoj ktp.

Mi lernis en Rusujo, ke eksterlandano devas ĉiam pagi pli (por muzeoj aŭ kio ajn), kaj – diable – la biletvendistoj ĉiam rekonis min kiel eksterlandanon, eĉ se mi nur silente proponis monbileton aŭ malklare murmuretis ion kvazaŭrusan.

» bileto en 4-lita kupeo: 102,40 EUR. Tio estas “normala prezo”

Jes, normala. Tra Peterburgo kaj de tie buse povus esti tamen duoble malpli, mi imagas. Leo Tolstoj estas relative luksa, pro tio la iom pli altaj prezoj. Ni hodiaŭ aĉetis du biletojn por la samaj kondiĉoj kontraŭ ĉ. 120 EUR; la distanco kompareblas, sed ne estas "eksterlanda" trajno :)

> Tio estas paĝoj de la kompanio kiu mastrumas la aerhavenon

Ho, dankon. Mi ne tuj trovis ilin (kvankam ne tro rigore serĉis, verdire, imagante al mi ke devas esti facile trovi la lokon). Vantaa.fi estas paĝaro pri la urbo, por la loĝantoj, entreprenistoj ka.
La rusaj paĝoj estas kelkloke amuzaj. Citaĵo: „Estos por vi utile ekscii, ke laŭvoje hejmen vi povas aĉeti en la flughaveno de Helsinko alkoholaĵojn kaj tabakaĵojn sen takso kontraŭ aldona valoro“. Alivorte: "Nia flughaveno estas la loko, kie vi povas aĉeti fumaĵon kontraŭ kutima por vi prezo!" :)

> Mi lernis en Rusujo, ke eksterlandano devas ĉiam pagi pli

Estis amuza okazo en Viborg, kiam mi volis aĉeti bileton en la kaso kaj unue rimarkis la prezaron en la angla. Ĉar mi lernis la lingvon de frua mezlernejo, mi ne ĉiam rimarkas, ke mi perceptas informon neruse; tiel mi ekkalkulis la monon, kiam mi tute hazarde rimarkis ruslingvan prezaron, kie ja estis duoble malpli grandaj prezoj :) Mi ridis kaj komentis al la edzino, ke jen estas la okazo, kiam scio de fremdaj lingvoj malhelpis.

Kutime la diferenco ne estas granda; kelkloke (kiel por transportado) ĝi forestas. La kialo de la muzea prezdiferenco estas, onidire, en tio, ke ŝtato subvencias muzeojn por ke civitanoj povu kulturumi kontraŭ la malpli altaj salajroj; eksterlandaj turistoj ne estas io, almenaŭ en Rusio, kion oni subvenciu :)

Pri Helsinko renove: laŭ la horaro de nia busa revena vojaĝo, la buso venos prame je 9:55 la 29-an de julio. Ĝis proksimume la 13-a ni havos liberan tempon, sen iuj ekskursoj aŭ aliaj envolviĝoj: do se vi hazarde estos enurbe, ni povus promeni ie tra antaŭtagmeza urbo.

Do vi venos al Helsinki per Silja Symphony, ĉu ne? Ĝuste tiun tagon ni ekveturos al sudorienta Finnlando kaj la horo de ekveturo ankoraŭ estas ne definitiva, ĉar tio dependas de aliaj homoj. Plej verŝajne mi povos renkonti vin en la haveno kaj ni certe trovos ion por fari. Mi sciigos baldaŭ. - Ĉu vi antaŭe vojaĝis ŝipe inter Finnlando kaj Svedujo? La pejzaĝoj survoje, precipe en bela vetero, estas ne malbelaj, sed tute unikaj inter Stokholmo kaj Turku, ĉar tie oni veturas preskaŭ la tutan tempon ene de insularo.

Ĝis renkonto dum UK! :)