Ĉu rusaj vikipediistoj amase migros al en.wiki?

Eĉ nun ekzistas homoj ne regantaj la anglan (ekz. mi) kaj tamen ankaŭ ili ja rajtas ion ekscii, ĉu ne?Ĉu mi povas demandi pri via "vespera kabeiĝo"?

» kaj tamen ankaŭ ili ja rajtas ion ekscii, ĉu ne?

La knabo proponas, ke nacilingvaj vikipedioj restu ĝuste „por tiuj, kiuj ankoraŭ ne ellernis la anglan“. Li proponas, ke ili enhavu nur difinojn de terminoj kaj artikolojn pri loke gravetaj aferoj, kiel vilaĝoj, vidindaĵoj ktp.

Kaj pri la „vespera kabeiĝo“. Mi planis drastan malaktiviĝon en la Movado post certa seniluziiĝo; la malaktiviĝo ja nepre okazos — jam hodiaŭ mi pli da tempo dediĉis al vikipediaj projektoj en la rusa kaj la oseta, al renovigo de la paĝaro pri la oseta lingvo Ironau.ru kaj aliaj neesperantistaj aferoj. Tamen la planita „vespera kabeiĝo“ ne okazos, ĉar evidentiĝis, ke mi tamen gajnis la konkuradon lige kun 3-jariĝo de la servo vK — parte pro esperantista interesiĝo pri la servo, parte pro sukcesa bulgarlingva reklamo (i. a. pagita en la gugla sistemo AdWords).

Mi supozas, ke li tamen parolis ruslingve...ĉu ne?

Pro justeco necesas noti, ke li ne alvokis ekparoli angle — nur pli kuraĝe redakti la anglan Vikipedion, la majestan kolekton de tut-homara scio.

Same pro justeco indas rememori, ke antaŭ sia raporto la junulo avertis, ke „mi eĉ mem ne ĉiujn partojn de ĝi kredas“ — do, li konscias, ke estas ĉu provoko, ĉu tro revolucia ideo.

Kiel mi jam blogis, min plej impresis lia propra antaŭpreparita statistiko, laŭ kiu inter la kunvenintaj en la konferenco rusaj vikipediistoj naŭ elcentoj parolas en Esperanto; post la angla (88%) ĝi estas la plej parolata fremda lingvo do (apud la franca, kiu same havis 9%). Mi sentis, ke la fina venko venis, verdire :)