Saluti, ge-amiki! Hodie me havis la joyoza surprizo saveskar pri la publikigo di elektronika mesajo/letro sendita da me al revuo "Muy Interesante", revuo pri cienco, teknologio, kulturo e historio, pri la existo di la ludo Go/Weiqi/Baduk, olqua selektesis kom "Letro dil Monato".

Yen tradukuro di la letro, olqua originale es en la Hispaniana:

"Altra ludi pri strategio

Me es fidela lektero di via revuo de plu kam 20 yari ante nun. Me gratulas vi pro la artiklo pro la shako-ludo, publikigita ye la edituro di marto. Nu, vi permisez a me dicar ke la shako-ludo ne es l'unika abtrakta ludo pri strategio: existas altra ludi quin on praktikadas de mili de yari ante nun, ek li, la Go, olquan me tre prizas. Olua reguli es tre facila e lernebla en minuti, ma olua strategio es tante desfacila dominacar ke ludanto povas tardar multa yari por perfektigar ol, e mem komputoro ne esabas kapabla vinkar la mondala championo pri Go lor yusta konkurso. Ca ludo praktikesas da cirkume 27 milioni de personi en la mondo. Eventas intenaciona profesionala turniri, ed existas skoli pri la lernado di Go qui uzas rangi por la ludanti samamaniere on uzas rangi en la lukto-arti. Me volas sugestar a vi skriptar artiklo pri ca marveloza ludo, o forsan publikigar specala edituro pri la mentala sporti. Co esus bona, nam en nia lando poke konocesas pri la Go. Fakte, ye min kam du yari ante nun on kreis la Mexikiana Go-Asociuro."