Explore Sign up!

Harri Laine's articles

Archives

Adiaŭ, Ipernity?
- 4 weeks ago - 9 comments

Kiel oni povas legi en la blogo de Ipernity , la tuta retejo baldaŭ malaperos. Kia perdo! Ipernity estis, ekde sia komenco,relative populara inter Esperantistoj. Ankaŭ mi lernis uzi la retejon ne nur por mia propra fotaro kaj artikoloj, sed ankaŭ kiel minejon de plej diversa interesa materialo fakta kaj fantazia: bildoj, aŭdvidaĵoj, tekstoj... Mi esperas, ke la esperantistoj, kiuj deponis ĉi tie multon, zorgos pri transmeto de siaj valoraj posedaĵoj en aliajn retejojn. Estos granda laboro…
M kaj K kaj la Somermezo
- June 23, 2014

Sabaton, la 21-an de Junio oni festis Somermezon en Finnlando. Tio estas granda festo kun tritaga libertempo. Laŭ nia kutimo, la plej vigla tempo por festado estas la vendreda antaŭvespero. En la ĉefurbo, unu el la grandaj festejoj estas la insulo Seurasaari, populara ekskursejo kaj loko de la samnoma subĉiela muzeo . La tago estis tre speciala por M kaj K, kiuj tiam geedziĝis, laŭ plej tradicia maniero, sur la sama insulo kaj povis poste festi kun la publiko. Ĉar la fianĉo K estas mia am…
La lasta estos unua kaj la unua estos lasta
- October 10, 2012 - 7 comments

Por daŭrigi, el iom alia vidpunkto, la diskuton pri nomado de jarcentoj, mi prezentas alian, tre konkretan ekzemplon pri la ordigo de nulo inter aliaj nombroj (aŭ ciferoj). Ĉiuj konas la ekzemplon, sed eble ne ĉiuj pensis pri la afero aŭ konscias pri ĝi. Estas la ĉieaj klavaroj, unu el ili uzata ĉefe en telefonoj (sed ankaŭ ekz. en mondoniloj), la alia en kalkuliloj kaj kiel parto de komputilaj klavaroj. Jen du fotoj pri mia poŝtelefono, en du malsamaj funkcioj. Oni facile rimarkas,…
Jarmiloj pasas
- October 10, 2012 - 3 comments

En la ipernity-grupo "Kiel oni dirus ĝin esperante?" okazas diskuto pri jarcentoj , ŝajne negrava temo, sed tiaj ja kutimas esti plej flamaj. La demando estas: al kioma jarcento apartenas ja jaroj 1800, 1900, 2000 kaj similaj? Ĉi-foje ĉiuj ŝajnas beate unuanimaj, krom mi. Kiel mian kontribuaĵon al la temo, mi aldonas ĉi-malsupre tekston adaptitan por Esperantujo, el Angla originalo sur paĝaro de Douglas Adams. Raporto pri plej signifaj okazaĵoj de la Dua Jarmilo 1 Januaro 1…
Kial ne en nia lingvo?
- September 25, 2012 - 8 comments

Antaŭ du jaroj mi skribis ĉi tie pri Sofi Oksanen , verkinto de furora romano, plurfoje premiita pro sia verkado. Tiam temis pri ŝia konsterniĝo pro la demando “kial vi do ne verkas angle?”, kiun ŝi aŭdis plurfoje en Britujo. Mi rememoris pri tio hodiaŭ en loka publika biblioteko, kie mi vidis diverslingvajn eldonojn de ŝiaj verkoj. Mi certe ne trovis ĉiujn haveblajn, sed fotis kolekton de sume naŭ kovriloj. Kovriloj de Puhdistus en la lingvoj Albana, Franca, Kataluna, Itala, An…
Fiŝaglejo lumas
- September 24, 2012

En la jaro 2009 mi montris fotojn pri nesto de fiŝaglo en la insularo de sudokcidenta Finnlando (vidu la albumon "Aglejo" kaj la tiutemajn blogaĵojn). Tiuj bildoj ne estis miaj, sed nun mi havis okazon foti la nestolokon, iom malproksime. Antaŭ ne longe mi vojaĝis per la granda ŝipo Viking Amorella , kiu veturas de Turku al Stokholmo. Subite mi konstatis: ha, tie ĝi estas!. Videblas du lumsignaloj, el kiuj la supra-dekstra situas en la turo, sur kiu nestas la fiŝaglo. En la…
Ŝi studas la historion de Alando
- September 23, 2012

En la Memregada Domo (Självstyrelsegården) de Alando la eta Sigrid koncentrite studas grandan murpentraĵon de Tage Wilén. Esperanto-Asocio de Finnlando aranĝis sian ĉi-aŭtunan kunestadon (la Aŭtunaj Tagoj de EAF) en Alando, kie ni tuj komence konatiĝis kun la apartaĵoj de la aŭtonoma insularo. La statuson de Alando en Finnlando, en Eŭropa Unio kaj en la mondo prezentis al ni loka esperantisto Anna Ritamäki-Sjöstrand , funkciulo de la Alanda registaro. Sub ŝia prezentado ni vidis filmo…
Bonan Somermezon!
- June 21, 2012 - 2 comments

Ĉi-semajnfine okazas la plej granda somera festo en Finnlando, la Somermezo, ankaŭ nomata la Johana tago. Vagante inter grandaj pinoj ĉe lago, mi rimarkis, ke ie-tie la grundon kovris amaso da etaj floroj. Estas la sezono de lineoj (aŭ lineo-kloŝoj , science Linnaea borealis ), kiuj rampas surtere, ie kiel densa mato, aliloke en grupetoj. El la grundo leviĝas la floretoj, sonorilformaj, po du pinte de ĉiu vertikala tigo. Mi tuj memoris, kion la Finna poeto Eino Leino skribis. Tion me…
Ŝtopfungo
- May 2, 2012 - 13 comments

En konversacio kun amikoj estiĝis diskuto pri tio, ĉu iu plu ŝtopas ŝtrumpojn kaj kiajn ilojn oni bezonas por tio. Evidentiĝis, ke la junaj ne plu scias, kio estas ŝtopfungo. La ŝtopfungon en la ĉi-suba bildo, evidente multe uzitan, posedis mia patrino. Mi ne scias, kiam ŝi ricevis aŭ aĉetis ĝin, sed tiu utila helpilo povas esti jam 80 jarojn aĝa. Ĝi estas tre utila ekzemple en ŝtopado de ŝtrumpo: ĝi tenas la kudratan ŝtofon taŭge etendita kaj malhelpas ĝin moviĝi dum la ŝtopkudrado. L…
Ĉu plaĉas al vi “mämmi”, la Paska kaĉo?
- April 8, 2012 - 4 comments

Nun, en la Paska sezono, aktualas en Finnlando nigre bruna kaĉo farita el sekalaj faruno kaj malto. Ĝin dolĉigas aldonita siropo, kaj oni manĝas ĝin malvarman, kutime kun kremo aŭ lakto. Ĝi estas ŝatata deserto dum Pasko, kaj oni trovas la maltokaĉon ĉi-sezone en sortimento de ĉiuj manĝaĵbutikoj. En grandaj vendejoj eblas aĉeti ĝin eĉ dum la tuta jaro, ĉar ekzistas fanatikaj ŝatantoj de tiu Paska kaĉo, kiun ni nomas mämmi . Vi povas legi pri mämmi ankaŭ en kelkaj Vikipedioj, sed…
Libroamantoj katalogis esperantaĵojn
- March 26, 2012 - 9 comments

Foliumante la malnovaĵojn de EAF, mi memoris, ke iam, antaŭ longe, aperis presita listo de Esperantaj kaj Esperanto-rilataj presaĵoj en Finnlando. Post temporaba serĉado (ho, kia malordo!) mi trovis ĝin sur miaj propraj librobretoj. La liston kompilis Hellevi Aimola, kaj mi konjektas, ke ŝi laboris en la Universitata Biblioteko en Helsinki. Ties nuna nomo estas la Nacia Biblioteko . La listo aperis en la dua numero de 1959 de la revuo Bibliophilos , organo de Finnaj libroamantoj-kolektanto…
La Senato bonvole konsentis – eĉ en la Rusa, devigite
- March 25, 2012 - 3 comments

En la Nacia Arkivo de Finnlando oni ĝuste nun ordigas kaj aranĝas por konservo malnovajn, malordajn paperojn de Esperanto-Asocio de Finnlando. Mi vizitis la arkivon por interparoli kun la respondeculoj pri la dokumentoj, ofte malfacile klaseblaj. Krom EAF (fondita en 1907), dum la pasintaj jaroj ekzistis diversaj Esperanto-organizaĵoj en la lando, pluraj eĉ jam malfonditaj aŭ silente malfondiĝintaj. La arkivistoj volas scii, kiel rilatis la diversaj societoj, institutoj, fondaĵoj kaj eĉ komp…
Nova prezidanto por unu norda lando
- February 7, 2012 - 6 comments

Finnlando elektis por si novan ŝtatestron por ses jaroj. Estas Sauli Niinistö , kandidato de la konservativa-liberala Nacia Koalicio, kaj li ekoficos la unuan de Marto. Lia rivalo en la decida dua balotado estis Pekka Haavisto de la Verda Partio. Jam dum multaj jaroj, la venkinto estis favorato de ĉiuj antaŭdirantoj, sed la leviĝo de la verda kandidato al la dua loko estis preskaŭ sensacia afero. Ĝis antaŭ ne longe, lian sukceson povis antaŭvidi nur posedanto de ekstreme bone polurita kri…
Du kantoj, en traduko de Leppäkoski
- September 22, 2011 - 1 comment

Mi trovis paperfolion, kun du versaĵoj en Esperanto. Estas malnova karbopapera kopio de tajpaĵo farita de Joh. Edv. Leppäkoski (1901–1984) , kiun oni plej bone konas kiel la tradukinton de Kalevala . Post la morto de Leppäkoski , liaj heredantoj transdonis liajn esperantaĵojn al Esperanto-Asocio de Finnlando. Mi tiam iom ordigis la paperamason, kaj ĉi tiu kopio restis ĉe mi, dum la originalan maŝinskribaĵon mi transdonis al la arkivo de EAF. Ambaŭ poemoj estas traduko…
Surprizo en arbaro
- September 6, 2011 - 6 comments

Mi estas kolektanta fungojn en arbaro, en loko kiun mi neniam antaŭe vizitis. Subite, mi rimarkas ke antaŭ mi staras malnova tenejo, kontruita el arbotrunkoj, jam grizaj. Enestas du sledoj. Bela dometo, taŭga por muzeo, mi nepre fotu ĝin. Paŝante antaŭen, mi vidas herbejon kiu etendiĝas supren sur dekliva tero, kaj tegmentojn de aliaj grizaj domoj. Tute hazarde mi trovis lokon de historia etbieno. Neniu homo videblas, nur grizaj muroj kaj tegmentoj el ligno, kun antikva…
Ara-araneo
- September 8, 2010 - 2 comments

Malnova kasedo. Ankoraŭ mi posedas kasedilon, nuntempe malofte uzatan, por aŭdigi la enhavon. Komence, serioza vira voĉo anoncas "Vi aŭdos kanton pri araneo en la plenumo de du finnaj knabinoj, kiuj partoprenis la Infanan Kongreseton en la mil naŭcent kvindek naŭa jaro en Varsovio", poste sekvas la kanto mem. La akordionisto iom stumble komencas la melodion, sed ne gravas: La knabinoj, Kyllikki kaj Marjo , partoprenis la Infanan Kongreseton, sed la muzikaĵon ili plenumis antaŭ sa…
Revizito al la statuoj
- August 23, 2010 - 5 comments

La 11-an de Aŭgusto mi revizitis la Parkon de Statuoj, pri kiu mi blogis en julio . Mi maltrankvilis pri ĝia sorto post la morto de Veijo Rönkkönen, kiu skulptis la figur-amason en tiu Sud-Karelia ĝardeno kaj mem zorge vartis la tuton. Ne ĉio estis kiel antaŭe. Estis pli da vizitantoj ol mi vidis antaŭe, kvankam la finna feria monato Julio jam pasis. Iom videblis postsignoj pri la multo da gastoj. Certe influis altire la gazetaj artikoloj, kiuj raportis pri la problema…
“Kial vi ne skribu angle?”
- August 4, 2010 - 25 comments

“Via angla lingvo estas tre bona, kial vi do ne verkas angle?” Tiun demandon, faritan eĉ de tri ĵurnalistoj, alfrontis la verkistino Sofi Oksanen kiam ŝi vizitis Londonon okaze de publikigo de angligita, brita eldono de ŝia romano “Purigo” (finna originalo Puhdistus , angla traduko Purge ). Ŝi priskribas siajn impresojn el tiu merkatiga vojaĝo al Britujo en la hodiaŭa numero de Helsingin Sanomat . Pri la demando mem Oksanen simple konstatas: “Fakte mia angla lingvo neniel…

PREVIOUS
1
2
3
4
NEXT

67 articles in total

RSS feed: Latest articles - Subscribe to the latest articles of Harri Laine

ipernity © 2007-2017: Help & Contact | The ipernity Team blog | About ipernity | Thanks! | The ipernity Club
Guide of good conduct | Group guidelines | Privacy Policy | Terms of service
ipernity for iPhone / iPad new | ipernity for Android new | Developers space; Facebook
Google +
Twitter; Find us on:

Language

English