Halina Sz.'s blog ^pro

150-a datreveno de la naskiĝo de Ludoviko Zamenhof

http://www.youtube.com/user/TomekZmalborka

http://www.esperantowsopocie.pl.tl

Rigardu galerion !

www.pbw.gda.pl/Esperantobonaideo/index.html

Gdansko 29.05.2009

Gdansko 25.05.2009 - "Rugxa cxapelete" - la infanoj lernantaj esperanton preparis prezentadon.
Okaze de la 150a datreveno de la naskiĝo de Ludoviko Zamenhof,
Gdanska Filio de Pola Esperanto Asocio donacis al Pedagogia Biblioteko en Gdansko tutan sian bibliotekon (kelkcent librojn). Por omaĝi la datrevenon la 29-an de majo la Biblioteko organizas renkontiĝon „Esperanto - bona ideo”. Invititaj estas instruistoj kaj gelernantoj, ankaŭ venos geesperantistoj. En la programo Tomasz Chmielik – konata E-tradukisto rakontos pri la malfacila arto de bonkvalita tradukado.
S-ro Józef Golec - iama direktoro de la Esperanta Muzeo en Sopot rakontos pri sia libro
„Esperanto Movado en Gdansko 1907 – 2007”.
Fine – la infanoj el la fundamenta lernejo prezentos la fabelon „Ruĝa ĉapeleto” – la sola programero en Esperanto.
Dum kelkaj semajnoj en Biblioteko estos vizitebla la ekspozicio de E-libroj .
Vidu la invitilon prepraritan de bibliotekistinoj.
Poste estos ankaŭ fotoj en mia Galerio.

www.pbw.gda.pl

En la jaro 1927, okaze de la 40^a datreveno de E- movado la urbo Gdansko havis honoron organizi 19^an Universalan Kongreson de Esperanto kun ĉirkaŭ 1000 partoprenantoj. Dum la Kongreso estis akceptita la propono festi la 15^an de decembro (naskiĝtago de L.L.Zamenhof) kiel “Tago de Esperanto-Libro”

Post la fino de la 19^a UK gekongresanoj veturis al Sopoto por planti memorkverkon de PACO kaj AMIKECO. Esperantistoj de diversaj landoj kunportis saketojn kun la tero de diversaj partoj de la mondo. La unuan fojon en la historio de Esperantujo okazis ceremonia plantado de arbo. Starigita ankaŭ estis memortabulo kun la teksto en Esperanto kaj germana lingvoj. La tiama urba konsilio en Sopoto donacis al esperantistoj pecon da tero ĉe la rando de sopota arbaro, en Świemirowska Valo, signita sur la nuna mapo de Sopoto kun la surskribo “Dąb Esperancki” (Esperanta Kverko).

Dum la dua mondmilito Esperanto devis silenti. Poste venis tempo de reviviĝo de la internacia lingvo, sed la arbo kaj monumento ne ĝisvivis tiun ĉi tempon

En la jaro 1959, okaze de la centjara datreveno de la naskiĝo de L.L. Zamenhof, Pollando havis honoron organizi la 44^an Universalan Kongreson en Varsovio. Samtempe estis organizita la 15^a jubilea Internacia Junulara Kunveno de TEJO. Ĉe la fino de la Kunveno delegitoj plantis novan jubilean kverkon de amikeco en Sopoto. Apud la kverko oni starigis novan memorŝtonon kun Esperanta teksto.

Preciza priskribo de tiuj ĉi eventoj estas trovebla en la libro de Józef Golec “Gdański Ruch Esperancki 1907-2007”

Kiu de vi partoprenis IJK - (TEJO Kongreson) en 1959j. en Gdansko?

Post 50 jaroj , la 4-an de aŭgusto estas planata renkontiĝo ĉe Jubilea Esperanto Kverko en Sopot, interalie de tiamaj partoprenantoj. Ĉe ni loĝas: Daniela Emler, Elwira kaj Lucyna Galickie, kaj Heryk Kosicki. Kaj ĉe vi ? Skribu al mi : jadwiga@interecho.com

Rigardu la programon de la Postkongresa Renkontiĝo en Gdansko.

www.esperantowsopocie.pl.tl

Estas planita renkontigxo cxe Jubilea Kverko en Sopot te tiamaj partoprenantoj kiuj cxeestis ceremonion. E Triurbo gxis nun logxas Elwira Galicka, Daniela Emler kaj Henryk Kosicki. Kiu ankorau uzas komputilon kaj rimarkas proponon ?

Se vi interesigxas pri nia regiono Pomeranio bonvolu rigardu

www.esperantowsopocie.pl.tl