La hierarĥio de la bezonoj [piramido de Mazlow]

Jes, tiu hierarĥo de bezonoj estas plen-sciite dum multe da jaroj. Mi opinias, ke Maslow eble ĝustas.

Estas interese, ke kapitalismo klare evitas tiujn bezonojn.

La kapitalismo estas ekonomia kaj socipolitika sistemo heredita de pli fruaj sistemoj. Ĝi ne estas doktrino sed naskis diversajn doktrinojn, kiuj subtenas aŭ kritikas ĝin. Tiuj doktrinoj
siavice naskas politikojn, strategiojn, kiuj pli malpli orientas la evoluon de la sistemo. Lastatempe, unu el tiuj doktrinoj tendencas radikaligi la homekspluatan karakteron de la kapitalismo, liberigante ĝin el ĉiuj bremsoj. Tiu doktrino ricevis la nomon ultraliberalismo kaj
ĝiaj adeptoj pretendas ĝin "moderna" kaj sola akceptebla. Tiu speco de totalismo fakte estas fondita en la dekoka jarcento sub la pli modesta nomo liberalismo. La kapitalismo havas kiel principon la privatan posedon de produktorimedoj (kapitalo) kaj ĝian senliman kreskon per homekspluatado (profito). Pro sia inklino al ekscesoj ĝi naskis kaj senĉese renaskas sian kontraŭstaron, kies plej radikala formo, nomita komunismo, estas agado celanta ĝian forigon.

Mazlow celis difini la konstantajn bezonojn de ĉiu homo, kiu ajn estu la soci politika sistemo en kiu li vivas..En ĉiu ajn entreprenestrado, eĉ la plej kapitalisma, oni devas kalkuli kun tiuj bezonoj.. Cetere mi posedas kelkajn usonajn mankibrojn pri tiu fako.. Klare estas respektataj tie la bazaj konoj de Mazlow.. Ne respekto de tiuj psikologiaj leĝoj rapide kondukus al fiasko.. Alia problemo estas tiu de financa kapitalismo, kiu absolute ne zorgas pri regado de la homoj, estas la fako de la "enkadriĝo". Je la nivelo de financisto oni simple decidas kion fari per la mono !!

Ŝajnas al mi, ke kapitalismo (almenaŭ tiu en mia lando) ĉiam pli multe influas socion. Ĉiu penas nur akiri monon kaj tutsocie pligrandigi konsumadon de kio ajn. Signifo de tiu meza ŝtupo de la piramido ien perdiĝas. Eble mi jam maljuniĝas kaj sentimentas.

Alia karakterizo de la homa besto pri kiu Mazlow ne aludas estas ĝia timinda kapablo kaj deziro imitadi.. La posedaĵoj de unu provokas ĵaluzon de la alia kiu volas havi la samon.. Kaj jen malvirta spiralo.. kaj poste oni estas surprizita ke tia vet kurado ne alportas feliĉon.. do oni volas vet kuri ankoraŭ pli rapide. Tipa ekzemplo de alieniĝo.. kiu ne kontraŭdiras la faman piramidon, ĉar tiaj sintenoj estas malsanecaj.