En sia unua verko, titolita "La eraro de Kartezio" Antonio Damasio rakontas kaj komentas la teruran historion de Pineas Gage [Gegx]?.

Tiu Pineas Gage estis skipestro dum la konstruado de la fervojoj en USONO. Tiu konstruado necesis ke oni eksplodigu rokojn kiuj gxenis la trairadon de la fervojo. Tiam oni ankoraux ne inventis la dinamitajn kartucxojn. Oni devis kavigi la rokon  meti en la kavon kvanton da nigra pulvo,premdensigi la pulvon helpate de stango el fero. Metio ege dangxera.

Gage estis tre kompetenta tre lerta laboristo..gxis kiam okazis la terura akcidento . Mi precizigu tie ke la stango uzata de Gage estis kvindek centimetrojn longa kaj kvar centimetrojn largxa.

Post la eksplodo oni reprenis la stangon je kelkaj metroj de la vundito. La stango estis enirinta en la korpon de Gage cxe la dekstra vango kaj elirinta cxe la supro de la kranio maldekstre.

Tiu epoke, oni tuj ektimas pensante pri la stato de la kuracarto, Pineas Gage devintus baldaux morti..Nu, tute ne. Li pluvivis kaj ecx oni povis konstati,mirigite, ke li ,post kelkaj monatoj ,retrovis cxiujn movkapablojn, parolkapablon, ktp.. Mirakla resanigxo..

Sed baldaux oni povis konstati gravajn sxangxojn en la sinteno de la malfelicxa eks skipestro.Li kiu gxis antaux la akcidento estis elitulo  profesie kaj persone, farigxis tute alia homo : sentauxgulo,li drinkis, ludis, insultis, ne plu kapablis zorgi pri siaj propraj aferoj kaj finis sian vivon en plena forgeso kaj mizero.

Evidente la kuracistoj kiuj zorgis pri Gage ne ankoraux kapablis kompreni kio vere okazis sed rakontis la "kazon Gage" kun suficxe da detaloj por ke la nunaj sciencistoj komprenu ke temis pri la unua konata ekzemplo de tia stranga evoluo. Bedauxrinde venis poste suficxe multnombraj vunditoj pro militoj por konfirmi la diagnozon.

Fakte la stango detruis cxe Gage parton de la cerbo, fronta lobo kie situas la centro de la rilatoj de cxiu homo kun liaj similuloj. Oni jam sciis ke homo estas socia estajxo. Oni do ekkomprenis kiamaniere tio funkcias.

Oni ankaux povis kompreni ke , male al tio kion pensis Kartezio, emocioj ricevitaj kaj traktitaj per tiu parto de nia cerbo estas fundamentaj por reguligi niajn plej raciajn plej kalkulitajn pensojn kaj decidojn.