This form is secure
Send a message
Search for members
This post is public
|
Nomis la leporo moke
la testudon pigra, lama.
Tiu kriis : « Ej! Aroge
vantas vi , kuristo fama,
tamen, se ni kurus vete,
mi vin certe venki povus. »
« Buŝe! »-diris mokridete
la leporo- « Ĉu ni provus? »
« Jes! »konsentis la testudo,
ili do la provon faris.
La spektaklon de l' vetludo
multaj bestoj ĉirkaŭstaris.
Vulp' aranĝis la aferon:
Ĝi de arb' ĝis alta fosto
signis rektan karieron,
signis starton per la vosto.
La testudo sciis certe,
ke per kruroj sen elasto
ne galopas ĝi tro lerte,
do ekiris sen prokrasto.
La leporo firme fidis
je la granda krur-facilo,
do ĝi tute ne rapidis,
eĉ ekdormis en trankvilo.
Ĝi vekiĝis...hop...ekkrie
la aeron sage fendis,
estis jam en cel'. Sed tie
la testudo ĝin atendis.
Zhang Xuesongpro says:
Gerardopro says:
Mi ne scias ĉu la verkoj de Kalocsay estas liberaj je aŭtor-rajto, sed mi supozas ke publikado de eltiraĵoj, kun indiko de la fonto ne nocas al la interesoj de la heredantoj de nia granda verkisto..
Gerardo edited this comment 7 months ago.
Apelete Didier Agbolo says:
Gerardopro says:
Gerardo edited this comment 7 months ago.
Apelete Didier Agbolo says:
El Lomé, Didier.
Tilio says:
Leporeto diligenta
rughulo says: