Paco

Paco laŭ PIV estas:

1. " Stato de regno, nacio aŭ alia homgrupo, kiu ne estas militanta kontraŭ alia."

Ekzemploj:

Zamenhof: " Se vi volas pacon, preparu pacon."

Hebrea Biblio ( Malnova Testamento ): " Mi donos pacon al via lando. "

2. " Stato de anaro ( nacio,gento, familio, societo kaj simile), inter kies anoj ekzistas nenia malakordo aŭ malkonsento."

Ekzemploj:

Zamenhof: " Iru en paco!"

Hebrea Biblio ( Malnova Testamento ): " Paco estu inter viaj muroj! "

3. " Stato de psiko, kiu ne estas maltrankviligata de zorgoj, timoj kaj simile. "

Ekzemploj

Zamenhof: " Kiam la paco de la dormo kuŝis super la denove feliĉa domo."

Hebrea Biblio ( Malnova Testamento ): " Miaj instruoj (...) akirigos al vi jarojn de vivo kaj paco. "

Estimataj, kial mi skribas pri PACO ? Ĉar laŭ mia opinio PACO estas fundamenta bezono kaj postulo de ordinarulo. Kiu mortas nun en Gaza, Irako, Afganio kaj en pluaj landoj? Ordinaruloj, virinoj kaj infanoj! Kial ili mortas? Ĉu ili ne havas rajton vivi en Paco kiel ni en Eŭropo? Mi tute ne komprenas, kial mortigas homoj, kiuj kredas je iu Dio, ĉu ili ne timas punon?

Tial ni estiĝu pacbatalantoj! Ni batalu ĉiutage per ĉiuj rimedoj por la paco kie ajn en nia belega mondo! Ankaŭ ni ĉiutage preĝu por la PACO...mi petas! Dankon!

Francisko