MONATO serĉas pliajn korespondantojn en la tuta mondo

 

Ĉu vi interesiĝas pri la farto de via nacio? Ĉu vi ŝatus, ke ankaŭ eksterlandanoj sciu iom pri la vivo en via regiono, pri la politiko de via ŝtato, pri la kulturo de via etno?

 

Se jes, jen via ŝanco por konigi viajn pensojn al tutmonda publiko!

 

MONATO petas vin esti korespondanto, kiu raportas pri tio, kio vivas en via regiono: pri ĝia politiko, pri ĝia kulturo, pri novaĵoj en scienco kaj tekniko, pri sporto kaj libertempo, nu, pri ĉio, kio laŭ vi estas interesa por tutmonda publiko. MONATO ne atendas de vi la faktojn, kiujn oni povas trovi en ĉiu landa gazeto, sed la fonon malantaŭ la faktoj, kiun nur vi povas scii, klarigi, ĉar vi ja vivas surloke. Priskribu, kion viaj samlandanoj opinias pri via nova ŝtatestro, kion ili pensas la ekonomia regreso aŭ bonfarto de sia regiono, kion ili opinias pri tiu fama sportisto aŭ pri tiu nova Nobel-premiito via.

 

Ĉu tiu nova defio allogas vin? Simple provu kaj sendu vian tekston al ni. Profesiaj ĵurnalistoj helpos vin kaj konsilos al vi kiel lingve, stile kaj enhave plibonigi viajn raportistajn kapablojn! Kaj se la unuaj provoj estas sukcesaj, MONATO proponos al vi kunlaborkontrakton kaj honorarion.

 

Provu tuj. Hodiaŭ estas la komenciĝo de via nova ĵurnalisma kariero!

 

www.monato.net la lokaj okuloj al via mondo