This form is secure
Send a message
Search for members
This post is public
Saluton, karaj geamikoj!
Lastatempe mi estas plenŝtopita de laboro kaj devis forlaseti Ipernity. Mi vizitadas tiun simpatian spacon, rigardas viajn amikajn vizaĝojn, sed malmulte produktas. Mi esperas, ke baldaŭ mi povos reveni pli ageme al niaj amikaj rondoj.
Nu, intertempe mi ricevis de Tangshan, el Ĉinio, peton pri helpo, kiu estas tra facile plenumebla. Okaze de la 150 jaroj de Zamenhof, la Tangshan-a Esperanto-Asocio (TEA) organizos en ĉi tiu jaro ekspozicion pri interesperantistaj rilatoj. Por tiu ekspozicio ili bezonas nur poŝtkartojn el via urbo kaj uzitajn kovertojn.
Se vi volas helpi, simple sendu al TEA tiujn objektojn. Ilia adreso estas:
Tangshan-a Esperanto-Asocio - TEA
P. O. Box 3 Tangshan Hebei
063000 - Chinio / China
Ĉi tie en Brazilo mi organizos ĉe miaj amikoj sendadon de poŝtkartojn el pluraj partoj de nia lando. Kial vi ne faras simile? Sendu vian urbon al tiu simpatia parto de Ĉinio.
Se vi volas lerni iom pli pri Tangshan, vizitu:
// http://eo.wikipedia.org/wiki/Tangshan
aŭ en la angla (kun fotoj):
// http://en.wikipedia.org/wiki/Tangshan
Bonŝancon kaj sukceson al Tangshan! (Ĉu iu konas ĉi tie en Ipernity samideanon de la urbo?)
Kaj por la propaganduloj mi diras: memoru, ke la sendado de poŝtkartojn estas tre interesa por disvastigi Esperanton - ĉar poŝtkartojn ni sendas normale rekte kaj sen koverto, tiel ke oni eble rimarkos, ke Esperanto estas uzata. Interesas iel vidigi la vorton Esperanto sur la poŝtkarto.
Kisojn kaj brakumojn!
Laetaprinco Princo says:
Lucyna Chyla says:
Milica Lopicic replies:
Se vi ŝatas sendi poŝtkartojn (mi ofte diras bildkartojn), vizitu www.postcrossing.com :)))
Mi sendos ;)
Milica Lopicic edited this comment 8 months ago.
Fernando Maia Jr. says:
Karaj (vi ĉiuj), lunde mi kaj kvar amikoj el la Kultura Koopertativo de Esperantistoj, el Rio-de-Ĵanejro, sendis kvin poŝtkartojn (aŭ bildkartojn ;)) al Tangshan. :)
Ni elektis tiujn pri:
1) La Golfeto de Gvanabaro kaj la Sukerpano;
2) La statuo de Kristo La Redemptoro;
3) La stadiono Marakanano;
4) La plaĝoj Ipanemo kaj Kopakabano kaj
5) ĝenerala vido pri Rio-de-Ĵanejro, "la mirinda urbo".
Milica Lopicic replies:
interese ke tie mi ankoraŭ ne trovis ion anon kiu parolas Esperanto...
Fernando Maia Jr. replies:
Mi provos uzi tiun retejon. Ĉu vi jam uzas? Ni povas komenci E-komunumon tie. :-)
Milica Lopicic replies:
Mi uzas, sed mi malofte vizitas forum(?)- on :p
mi vidis multajn profilojn, kaj neniu skribis ke uzas esperanton...
vi povas trovi min : mia uzanta nomo tie estas milica :))
** informigi min se vi alliĝas tie, kaj ni povas komenci E'komunumon, ĉar ĝi ne ekzistas**
Milica Lopicic edited this comment 8 months ago.
Andy Անդի says: