Morgaŭ ĉe ni, oni adiaŭos la jaron 2007 kaj ĵus noktomeze, ni manĝos 12 vinberojn samtempe dum la son-horloĝoj sonos dekdufoje, la ago alportos bonan ŝancon. Se oni eliras festi la nokton kaj vestas ruĝan subvestaĵon, krom bona ŝanco oni atingos, laŭ la popola superstiĉo, bonan sekson dum la jaro.

Multaj novaj katalunoj, tamen, celebros la novan jaron iom pli poste. Tial islamanoj ricevos la jaron 1429 iom pli poste, la unuan de muħarːam. Printempe ĉinoj ricevos la jaron de la rato, kaj hindanoj ricevos la jaron 5110. Certe multaj aliaj katalunoj uzos ankaŭ aliajn jarkalkulojn.

Ĉiukaze, mi certas, ke ĉiuj ni kunfestos morgaŭ vespere ĝis postmorgaŭ matene. Laŭ la tradicio, oni ankaŭ bondeziras unuj la aliajn. Tial mi deziras al vi ĉiuj sanon, ŝtonpezan monujon, ĉielofaligajn fikojn, amon, la benon de Dio, liberecanan komunismon kaj ĉiam sufiĉe por trinki.

Per viaj komentoj, mi ŝatus kolekti bondezirojn tiajn-ĉi.