ulo38's blog

La nigra shafo estas tute sola sed tio plachas al li. Kiam la shafaro iras dekstre, li iras maldekstre. Kiam  la shafaro iras maldekstre, li faras ankaù la malon. Kial malsati malantaù la aro, dum la herbaro estas tiom grasa aliloke. La virshafo  antaùeniras kaj la shafinoj lin sekvas. Sed, ne chiuj. La plej maljunaj ne sukcesas sekvi tiel rapide. Kaj do, la nigra besto, sen lacighi, povas pastighi, babili, papilioni, rendevui kun tiuj malfruaj ulinoj. Kiom felicha li estas. li estas vera, libera, nigra, anarkisto. Sed, li atentu, kiam la pashtisto alvenas. Li sin metas meze de la shafaro kaj sin kashas. Por vivi felicha, vivu kashita ! Kaj ne gravas, se li devas orgojlon rabati. Li ne zorgas pri tio aù kiel oni diras:pri tio li fajfas. 

entrajniĝi.

mi ŝatas tiun vorton, pro la prononco: énn-tray-ni-dji. mi ŝatas tiun vorton pro la eblan renkonton. mi ŝatas tiun vorton pro la tago kiu komencas. mi ŝatas tiun vorton pro la alveno en la svarma urbo de liono. mi ŝatas tiun vorton ĉar mi scias kie mi manĝos, en la komerca centro, en la tria nivelo, en la memserva restoracio kiel kutime.mi ŝatas tiun vorton ĉar poste mi promenos kun la nazo en aero, la pensoj en nuboj. ĉar mi drinkos bieron en kutima placo. ĉar mi refoje promenos laù la rhodano . ktp... ktp... entrajniĝi estas la komenco de l'feliĉo.