Angel Arquillos López's blog

Vi diras, mi faras nenion,

kaj jen mi respondas:

ĉiutage mi amas,

mi pensas,

mi vivas,

mi mortas,

mi ridas,

mi ploras,

mi ĉiutage solas,

sopiras,

avidas,

angoras,

fojfoje mi ankaŭ feliĉas,

insiste vi diras,

mi faras nenion.

Se vi malkonfidas,

demandu pri mi al la vento,

al izola stelo,

demandu

pri mia sufero,

pri ĉio,

pri varma bruego

aŭ trista silento,

demandu

pri mia soleco

pri amo,

malamo,

demandu

estas mia peto.

Ne diru mi faras nenion,

mi kantas

kiam vi silentas,

mi ridas kiam vi forestas,

mi ploras

kiam vi suferas,

neniam plu diru

mi faras nenion...

Ángel Arquillos

Klaku sur cxi adreso por vidi tre interesan filmeton en multaj lingvoj.

dotsub.com/films/thelanguage/index.php?autostart=true&language_setting=pl_1683

Hieraux mardo la 16-an de oktobro, en la lernejo de Malago "Al-Ándalus" komencis nova baza kurso de Esperanto, cxeestis 12 homoj. Cxiu marde ni kunsidos por gvidi kurson kaj babili en Esperanto pri diversaj aferoj.