Ĵurk.kanto

 

Ho mi ĵuras manĝi ĵurkon,

ĉar mi ĵurkon ŝatas tre!

Mi veturos al Polland' por

manĝi ĵurkon antaŭ te'.

 

Mi pli ofte manĝos ĵurkon,

eĉ trinkinte - manĝos mi!

Kial mi ne manĝus ĵurkon?

Ĝin ja ege ŝatas mi!

 

Mi reĵuras manĝi jurkon,

ĉar tre ŝatas ĵurkon mi,

mi veturos al Polland' por

manĝi ĵurkon ofte… pli!

 

Ĵurkon manĝos mi matene

veturonte al Poznanj'!

Ĵurkon manĝos mi Poznanje

kun iu ajn samĵurkan'!

 

Ekkonita kaj konata

estas ĵurko por mi: jam

lunde, marde kaj eĉ ĵaŭde

manĝas ĵurkon mi kun pan'

 

Bona ĵurko disfamiĝos

tra l' Unio de Eŭrop'!

Se mi mortos, ĵurkon trovos

la ĥirurg ' en mia krop'!

 

Jen finiĝas la ĵurkkanto…

ĵuras mi per  ĵurko-kant',

ke restados mi fidela

kaj ĝismorta ĵurkŝatant'.

 

 

 

Glosoj:

 

Ĵurko: populara pola supa (Paska). 

Ne tute  konfuzu  ĵurkon kaj  ĵuron,

nek  ĵurkkanton kaj  ĵurkanton

 

 

 

---------------------------------------------------------------------------------------------

 

SIGNIFUMO

(fanto kaj fato, nedivideblaj)

 


Ĉi tio estos

ne

       Rene-aĵo

sed Ferdinanda

       Sosuraĵo,

Ferdinanda

       realaĵ'

 


forol kaj avok

    ne estas signoj,


floro kaj akvo

    ja estas signoj  -- 

aludantaĵo,  aludataĵ'

 


Signo estas

signifantaĵo,  signifanto;

plus signifataĵo,  signifato.

La kunaĵo

de du aĵoj  

estas mensa

           realaĵ'.


-------------------------------------------------------------------------------------   

http://eo.wikipedia.org/wiki/Ferdinand_de_Saussure

 

 

Poznanjo: Poznano, urbo en Pollando, kun universitato,