ESTO,  FJESPO

 

Kanteto tradukita el Pjaspo.  La Pjaspa originalo  sekvas sube


Diris knabo orienta:
estas jam mateno!
Diris knabo okcidenta:
estas jam mateno.
Estas jam mateno, norde,
estas jam mateno, sude,
estas jam mateno!

Estas fine jam mateno
ankaŭ en ĉi mezo!
Estas fine jam mateno
ankaŭ en ĉi mezo!
Estas fine jam mateno,
fjespas fine jam mateno,
ankaŭ  en ĉi mezo!!


Glosoj:

fjespi - esti, en imagata dialekto de Esperanto
esti - fjespi, en la norma Esperanto


------------------------------------------------------------------------------------------------------------------------------------

 

PJONTO KAJ KJANTO 

[Pjaspaĵo]


Diris knabo orienta:
Kjazdas jam mateno!
Diris knabo okcidenta:
Pjozdas jam mateno.
Pjontas jam mateno, norde,
Kjantas jam mateno, sude,
estas jam mateno!

Lompas fine jam mateno
ankaŭ  en ĉi mezo!
Lompas fine jam mateno,
ankaŭ  en ĉi mezo!
Kjaspas fine jam mateno,
fjastas  fine jam mateno

ankaŭ en ĉi mezo.

Glosoj:

kjazdi: esti, en imagata orienta dialekto de Pjaspo
pjozdi: esti, en imagata okcidenta dialekto de Pjaspo
pjonti: esti, en imagata norda dialekto de Pjaspo
kjanti: esti, en imagata  suda dialekto Pjaspo
kjaspi: esti, en imagata  meza dialekto Pjaspo
fjasti: esti en imagata dialekto  

B. VAHA.[n.s.WACHA, B.]

 

 Poemeto

  kun titolo

*Poeto tamen mi ne estu*

 

Poeto tamen mi ne estu:

poetojn oni  emas dresi,

ke ili  ĉion tuj prifestu.

 

Poeto tamen mi ne estu:

poetojn oni ade  petas,

ke ili ade nur protestu.

 

Poeto tamen mi ne estu:

poetojn oni priesploras,

ĉu ili ridas ĉu plu ploras.

 

Pri poezio mi do ridas,

kaj la postuloj min ridigas:

oni nenion ja dirigos.

 

tuj mi la  pordon  bone riglos.

  

-------------------------------------------------------------------------------------

 

Versaĵo pri Miĉjo

 

Vudko estas ja tre forta,

vutko estas eĉ   pli  forta

vodko estas ege forta

votko estas ja plej forta,

votko estas la plej forta.

 

Jam malmulte da vudketo

pli malmulte da vutketo

eĉ nur iom da vodketo

tre malmulte da votketo 

iomete da votketo

 

igas iam lin forgesi:

li ne povas ŝin forgesi

 

E.s. VAHA n.s. WACHA

---------------------------------------------------------------------------------------------------------------------------

 

Poemeto je Andreo

 

Estas preskaŭ mi feliĉa,

ĉar mi volas jam nenion.

Esperanto,eĉ  ne venku,

kaj mi restu sola tute,

mi ne penu. Absolute.

 

La mondo estas kontinua