Aktualaĵoj

Pro historiaj kialoj ni havas en Eŭropo tri dekojn da lingvoj kaj multajn pluajn dialektojn. Neniu kapablas lerni tiom da lingvoj kaj ellerno de unu nacia idiomo (ekz. la angla, hispana, germana, franca ktp.) estas tiom malfacila, tempe kaj finance raba, ke plejparto de homoj neniam ellernos ĝin. Kaj se iomete jes, post nelonge oni ĝin forgesas, kaj en okazo de bezono la scio estas nesufiĉa. Plie, la hazardo ofte kvazaŭ malice renkontigas vin kun persono, kiu la de vi lernitan fremdlingvon ne scias.

En dialogo por Lidové noviny (Popola gazeto, 19/6/08)sinjoro prezidento tre klare kunigis eŭropecon kun Esperanto. Neniu ĉeĥa politikisto ĝis nun esprimis ĉi tiun principan rilaton tiel klare kaj nur per du vortoj! Ĉiu nacio en EU parolas per propra nacia lingvo, sed neniu nacia lingvo (kaj do nek la angla) pro multe da kaŭzoj ne estas konvena por komunikado inter eŭropanoj. Eŭropanoj devas interkompreniĝi per facila nenacia lingvo - Eŭrolingvo.