Retiritaj intervjuoj de Pola Radio

Estimataj,

Mi kun tristeco - sed kompreno - informas vin ke pro la atentigo de la Pola Radio (ĉe kies redaktoroj mi mem petis permeson) mi devas fine retiri ĉiun alŝutitan intervjuon, kiujn mi prenis de la retejo de Pola Radio kaj redaktitaj alŝutis al tiu ĉi paĝaro.

Mi volis savi la pedagogiajn sonmaterialojn por la estonteco, sed vane.

Mi atendas ke Pola Radio indiku al mi kie la intervjuoj aŭskulteblas pli longe ol unu semajnon post la publikigo.

Mi tamen ne forĵetas la savaĵojn, gardos ilin zorge.... sed kion eblos fari pri ili por ke la komunumo riĉiĝu, mi ankoraŭ ne scias.

Katalin Kováts

Novaj informoj pri la radiointervjuaj rajtoj (13a de novembro 2008)

Post pactona kaj kolega korespondado kun Gabi Kosiarska kaj telefona interparolo kun Barbara Pietrzak mi nun klare scias la politikon de Pola Radio (kiu cetere identas kun aliaj readistacioj)

Laŭ ili, bedaŭrinde, eĉ koncerne miajn intervjuojn la leĝaro ne permesas ke mi mem dispongu ilin en mia propra blogo aŭ alia komunikkanalo. La dissenditaj programoj estas propraĵoj de la radio mem, kaj nek la intevjuinto nek la intervjuito havos ajnan rajton pri la produkto. Iom strange, sed kion fari?

Espereble estos solveble, ke tiu regularo estu legebla ankaŭ en Esperanto sur la paĝaro de Pola Radio.

Kvankam triste mi devas konseni, sekve retiris la sondosierojn el miaj retejoj kaj faros kun ĉiuj kiuj devenas el radioelsendoj ankaŭ en la paĝaro www.edukado.net.

Mi sugestis al Barbara pri tio, ke ekde nun la intervjuanto petu konsenton pri la publikigo de la intervjuo kaj atentigu la parolpartnerojn pri ties (mal)rajtoj je la materialo.

Bona novaĵo tamen naskiĝis el tiu mia precendenco.

Mi ne plu agos kontraŭleĝe (nu, pri ties konsekvenco pluraj ne ĝojos!). Sed ni interkonsentis kun Barbara ke la Esperanto-redakcio de la Pola Radio disponigos al mi la rektajn ligojn al tiuj elsendoj, kiuj havas pedagogie interesajn kaj valorajn materialojn. En miaj publikigaĵoj en la paĝaroj mi povos indiki rekte tiujn ligojn kaj la materialoj estos aŭskulteblaj al la intersiĝantoj eĉ post tiam, kiam ili rekte ne videblos en la paĝaro de Pola Radio. Kvankam la ligoj gvidos ne nur al la koncernaj intervjuoj, sed la tuta programo. Mi provos bone indiki la komencminutojn de la pedagogiaj partoj, tiel oni povos facile elturniĝi. Mi akceptas tiun solvon kaj dankas Barbara kaj Gabi por la dispongi de la ligoj. (Cetere tiun eblon ajna aŭskultanto povas peti.)

Alia bona flanko estas eble, ke kolegoj aŭ samideanoj, kiuj same dispongis la programojn de radioj nun scias pri ties kontraŭleĝa trajto kaj pripensos retiri la sonaĵojn.

Nu, ni lernis denove ion novan, eĉ se malagrablan. :-( KK