This form is secure
Send a message
Search for members
This post is public
Por la prezento de tiu temo mi ne planis tro da tempo, maksimume tri minutojn.
La aŭdigon de la pronomoj sekvis vidigo de la materialo, nome kaj bildoj kaj la skribitaj vortoj.
Por la identigo de la pronomoj mi uzis projekciatan tabelon parte kun niaj fotoj (foto de mi mem por MI, foton de Edit por VI, foton de Tamás por LI). Ties kombinoj aperis ankaŭ en NI (Edit kaj mi mem), kaj en la plurala VI (Edit kaj Tamás). Ankaŭ per tio mi volis ilustri, ke ili estas la konatoj, al kiuj mi rekte alparolas. La fotoj de la triaj personoj ne povis esti konataj por la grupo.
La tria fazo estis komuna ripetigo de la pronomoj, kiam ankaŭ la grupanoj povis kundiri ilin kaj firmigi por si mem la vortojn.
Dum veraj kursoj ĉiam sekvas ero, kiam mi donas al la grupo tempon po-pare ekzerci la pronomojn.
Por tio en la nuna fulmleciono (pro tempomanko) mi ne planis eblon, sciante ke dum la 40 minutoj la plej necesaj pronomoj (MI kaj VI) multfoje ripetiĝos.
Ĉe la instruado de pronomoj atentu la sekvajn aferojn:
- · bone distingu inter la pronomoj, ĉar ili tre similas prononce
- · en internacia grupo gravas emfazi, ke la bestoj estas indikataj per ĜI
- · oni vidigu klare, ke por la dua persono Esperanto uzas la saman pronomon.
Pri la tuta FULMKURSO vi legu la prezenton ĉi tie:
http://www.ipernity.com/blog/67438/98314
Alia filmo pri alia lecioparto pri la PRONOMOJ videblas ĉi tie:
