Tondras

Ĉielo surmetis malhelan veston solenan.

Ornamis ĝin per branĉeto rozmarena.

Ĉielo faris frizuron buklitan

Al sia hararo nigra

Kun kelkaj grizaj ondoj.

Hodiaŭ okazas nupto;

Ĉielo edziĝas kun Fajro.

Ege pasia fraŭlino.

Violonon ludas vento nordokcidenta

Levante arbojn  en danco temperamenta.

Fajro digne aperis, en fulmo vestita.

Nek popo nek atestantoj  necesas;

Sur pinto Olimpa Ĉielo kaj Fajro

Solene kisis unu la alian.

Violonon ludas vento nordokcidenta

Levante arbojn  en danco temperamenta.

Tondras.

…………………………

Tilio