Mevo krianta kiu fumas

  Ni estas samurbanoj.

  Tiu mevo kaj mi.

   Eĉ en sama kvartalo ni loĝas.

   Mi konas lin nur surface,

   kaj laŭ klaĉoj.

   Lia nesto estas soleca -

    maljuna fraŭlo estas li.

   Iam li estis bela.

   Ankoraŭ bonstatura,

    sed iom tro matura.

    Plumoj ĉarme grizetaj.

   Rideto de ĉasisto.

    Kelkaj dentoj mankantaj.

   Ne gravas.

   Lia nesto estas soleca -

   maljuna fraŭlo estas li.

   Laŭ klaĉoj, li havas pliajn infanojn

   pere de pliaj inoj.

   Ŝajne mevoj kutimas tiel.

   Neniam iu vidis iun da liaj infanoj.

   Laŭ aĝo, li povus jam avo esti.

   Lia nesto estas soleca -

    maljuna fraŭlo estas li.

   Tamen inojn li tre ŝatas.

    Ofte kun li venas iu belulino,

    pli aĝa aŭ pli juna,

     ne gravas -

      sed neniam sama.

   Neniam dufoje sama amorantino lin akompanas hejme.

    Matene ŝi foriras,

         laca, kuspita, tristeta-

                                      seniluzigita.

      Neniam ŝi revenos.

           Morgaŭ venos alia.

        Blondulino.

             Alta.

               Dika.

            Nigreharara.

              Bruneta.

              Magra.

                Basa.

           Adoleska.

             Tro matura.

         Rugharara.

                 Ĉiam nova.

      Lia nesto estas soleca -

      maljuna fraŭlo li estas.

    Post cerbumado, mi konkludis -

     li estas dependanto de promiskuiteto.

       Li ne enamiĝas -

                                    neniam -

                  nur sentas atrakcion.

   Plene korpa afero.

       Lia nesto estas soleca -

        maljuna fraŭlo li estas.

    Kiel juna knabo li havis fianĉinon -

         neniam li tuŝis ŝin.

     Ŝi mortis pro leŭkemio.

     Malpli ol 20 jaraĝa.

   Ŝin li ankoraŭ serĉas -

     en ĉiuj virinoj diversaj

        mevo maljuna

       ŝin vidas , jes.

    Neniam aferoj simplaj -

       estas mevo besto poligamia -

            kompreneble-

              fiulo, fripono, kajtielplu.

     Tamen la mevo havas plumojn

        kaj okulojn

             kaj voston

          kaj bekon

            kriantan dolorige,

                                silente.

        Lia nesto estas soleca -

                               senova, senina.

        Maljnua fraŭlo estas li -

                              sed li ne stinkas,

                                          kvankam li fumas.

.......................................................................

 El najbareco de

                           Tilio