Mi malkovris por mi mem WordPress.com. Mi jam kreis novan rusligvan paĝaron kaj metis tien ĉiujn miajn artikolojn, projektojn ktp (vd. dmych.wordpress.com). Iom poste mi kreis alian blogon tie: oramezo.wordpress.com - por skribi Esperante.
Mi havas tro multe da diversaj paĝaroj kaj blogoj. Kaj mi volus malpligrandigi ilian kvanton. Mi volus kolekti ĉion "sub unu tegmento", kaj ŝajnas ke WordPress permesas fari tion, ĉar tie eblas facile krei ne nur blogon sed ankaŭ plenan paĝaron. Kompare kun Blogger kaj Ipernity ĝi havas kaj plusojn kaj minusojn.
Pri la ĉefa pluso mi jam diris: paĝaro kaj blogo kune. Alia pluso estas pli perfekta redaktilo, kiu ebligas ne nur fontojn kaj ligilojn sed ankaŭ titolojn (H1-H6 HTML-etikedoj) kaj tiel plu. Paĝoj eblas ordigi hierarkie kaj blogerojn marki per etikedoj kaj kategorioj.
La plej gravaj mankoj por mi estas ke ĉe WordPress estas malpermesite uzi fotoseriojn (slideshow) kaj koservi ĉe la servilo dosierojn krom JPEG-bildoj, PDF-dokumentoj kaj kelkaj aliaj tipoj. Tamen, por ĉiu blogo oni povas uzi 3G da spaco por bildoj ktp. Ankaŭ preskaŭ ne eblas agordi aspekton de paĝaro krom ke elekti antaŭdefinitan temon kaj meti kelkajn "viĝetoj" (widgets) por flanka strio.
Kompare kun Iperniry mankas al ĝi la plej alloga eco de la lasta: ĝin ne eblas uzi por publikigi fotojn. Mankas ankaŭ amik-listo, simila al tiu ĉe Ipernity. Do, mi plu uzu Ipernity por montri fotojn.
Tamen, ĝi pli kaj pli plaĉas al mi. Verŝajne mi provu translokigi ĉion Esperantlingvan tie kaj poste decidu ĉu tio pli taŭgas kaj oportunas ol Blogger kaj sendependaj paĝaroj?