Nova tragedio en Rusio

Kaj gvidas cxi tiun statistikon la ministro por eksterkutimaj okazintajxoj!

Korajn kondolencvortojn estu bonvolaj akcepti Vi - gerusianoj - lige kun cxi tiu fresxe okazinta tragedio.

Dankon.

Tio estas tragedio. Mi bedauras kaj akceptu miajn kondolecvortojn.

Dankon.

Mi tuj pensis pri vi, ekaŭdinte la novaĵon. Mi ĝojas ke vin ne trafis la atenco kaj esperas ke ankaŭ ne iun konaton vian.

En mia lando ni alkutimiĝis al tiu mort-rutino de antaŭ 40 jaroj... do, imagu :-(

Dankon. Ni ĉi-tie fakte ankaŭ alkutimiĝis al tio.
Feliĉe, neniu el miaj konatuloj aŭ parencoj estis tie. Almenaŭ mi ne scias ke iu estis.
Tamen, en 2004 kiam du aviadiloj estis eksplodigitaj, du miaj kolegoj pereis en unu el ili.

Unue: oni povas imagi la staton de la eksplodita vagonaro. De kie fontas tioma stranga certeco, ke la teroristoj estis tri? Kaj ke ili estis aŭ ne estis kaŭkazanoj? Ĉu ne denove agas la sekretservoj?

Due: mia eksstudantino J.L. pravas ja... Tamen ekde kiam la murdoj fariĝis statistiko? Ekde 1930aj jaroj? Ekde la revolucio? Ekde la ekPutiniĝo?

Unue: fakte neniu certe scias - verŝajne, krom sekretservistoj.
Due: ĉu la certa dato gravas por pereintoj kaj iliaj parencoj?

Teroro kontraŭ senkulpaj homoj estas en ĉiu kazo krimo. Ĉu de individuoj, ĉu de tutaj ŝtatoj. Mortiga perforto solvas neniun problemon, sed nur akrigas problemojn. Sed bedaŭrinde la plej multaj ŝtatoj fidas nur plu al armiloj. Tiel kiel iliaj kontraŭuloj. La sekvoj estas eĉ pli da konfliktoj kaj pli da murdoj. Kaj tamen ni devus celi socion, en kiu armiloj nur plu en muzeoj videblas. Niajn konfliktojn ni devus solvi pace, tiel kiel ni ne provas haltigi la tervarmiĝon helpe de trasegado de reloj. Ĉiu scius, ke tio estus idiota, same idiota estas la terorismo de kiu ajn speco. Perforto nur detruas homajn atingaĵojn, sed ĝi kreas kutime nenion bonan.

La homaro ĉiam ŝajne strebas al paca, senkonflikta socio, sed reale produktante pli kaj pli da armiloj, kaj ĉiam batalante inter si...
Batalo pro altaj, pacaj idealoj...

Winston Churchill: "Mi fidas nur al tiuj statistikoj, kiujn mi mem falsigis." La plej multaj suicidoj laŭ statistiko - relative al aliaj landoj - okazas en Svisiso, ĉu ne vere strange? Kial ĝuste tie?

Jam aŭdiĝis pri novaj detaloj. Nome, ke sur la foto tuja post la devojiĝo de la vagonaro ankoraŭ ne videblas eksplodotruegoj, sed jam frumatene ili aperas. Do oni diras, ke la trajno devojiĝis pro pure teknikaj kialoj, sed la eksplodo okazis poste. Kaj oni koleras: la sekretservanoj nenion plu kapablas dece fari.

Mi ankaŭ legis tion kaj vidis la fotojn. Ŝajnas ke "teknika" versio estas almenaŭ same verŝajna kiel "terora". Tamen, potenculoj kaj sekretservantoj tute ignoras ĝin.
Do, "kiu profitas"?...

Tamne, la murdo okazis - ĉu pro teroristoj, ĉu pro neglekto. La murdo ĉiam restas murdo.

Ĉu murdas ŝtatoj (mortpuno, armeoj) - ĉu individuoj - ĉiam estas murdo. Se la potenculoj ekkomprenus tion, ne plu estus murdoj. Ankaŭ murdoj por kiaj ajn sanktaj celoj estas murdoj.Jam Jesuo preĝis: Kiu prenas la glavon, pereos per la glavo." Kiom longe ni ankoraŭ devas diri tion, ĝis oni ekkomprenos? Mia konkludo: For la malamon inter homoj! Kresku la fido inter ni ĉiuj! Ju pli ni fidos al ni des malpli ni bezonos armilojn por senti nin sekuraj.

Esperanto estas ĝuste tial je parto estas por mi grava, ĉar ĝi ebligas, ke ni pli bone povas interkompreni nin sen devi lerni pli ol cent lingvojn por tio.

Elkore mi bedaŭras pro la okazintaĵo. Ankaŭ ĉe nia registaro "murdoj ĉesis esti novaĵoj, sed fariĝis jam statistiko" .. :((