Verdire, mi estis ŝokita. Jes, Rusio entute ne estas tiom pura kiel, ekzemple, plejmulto da Eĉropaj landoj, sed kion mi ekvidis ŝokis min.

"Kune ni faros la mondon pli pura" tekstas surskribo en tiu ĉi kartonglaso el McDonald's. Homoj uzintaj ĝin certe ja legis la surskribon!

La tuta arbaro ĉirkaŭ la bela lageto estas plenplena je rubaĵo -- malplenaj boteloj, plastaj teleroj, ĉiuspecaj malpuraĵoj fariĝas montetoj tie kaj ĉi-tie. Rompitaj benkoj kaj pavilonoj, fajrejoj... Ne eblas sen abomena sento eniri la arbaron...

Mi hontas ke mi estas ano de la sama popolo. Ja ne ŝtatestroj, ne potenculoj (kiuj ĉiam, laŭ popolopinio, kulpas pro ĉio malbona en nia lando), sed ni mem - la homoj vivantaj ĉirkaŭe lasis rubaĵon ĉi-tie, malbonigis la belan lokon.