Hodiaŭ mi ellitiĝis tro frue por semajnfino. Hodiaŭ mi devas veturi vilaĝen - la knabinoj ege atendas min. Do, mi haste formanĝis ovaĵon kaj ekkuris...

Rapide mi atingis fervojstacion kaj sukcesis trafi trajnon. Post 15 minutoj mi jam estis ĉe Savjolovskij stacidomo.

Ĉu semajnfino? Nekredeble multe da homoj en metroo. Mi veturis ĝis Komsomolskaja kaj kuris supren, al kasoj de Kazanskij stacidomo. Bonŝance ne tro multis homoj ĉe la kasoj, do mi baldaŭ aĉetis bileton kaj jen, mi sidas en elektrotrajno, kiu tuj portos min al miaj karaj infaninoj.