Negotina limregiono estas parto de Orienta Serbio, regiono tre konata pro vinberoj kaj kvalita vino. Vinoj el tiu regiono estis  jam antaŭ cent jaroj (1907) honorigitaj per premio por kvalito en Londono.

Ĉi tie ekzistas neordinara urbo. Oni eble povus nomi ĝin – ŝtona urbo de vino. Ŝtonaj domoj kiuj nomiĝas "pivnice" (vintrinkejoj) ekzistas en pliaj vilaĝoj, sed la plej nombraj kaj konataj estas Rajacaj vintrinkejoj (Rajačke pivnice). Proksime de vilaĝo Rajac, apud vinberejoj, sur monteto, ĉe rivero Timok, estas konstruita urbo – unika sur Balkano.
 
Urbo de vino. La ŝtonaj domoj, entute 270 ne havis loĝantojn, ili loĝas en proksima vilaĝo. Tiuj ŝtonaj domoj ekhavis nomon vintrinkejoj aŭ vindomoj. Estis konstruitaj meze de 18-a jarcento de prilaborita ŝtono eĉ kun malprofundaj plastikoj (ĉizaĵoj). Partoj de la domoj estas en la tero, por gardi la konstantan temperaturon, kio estas la esenca kondiĉo por vinproduktado. La domoj estas vicigitaj laŭ mallarĝaj stratetoj simile al oldaj mediteraneaj urboj.
 
Rajacaj vintrinkejoj fariĝas turisma atrakcio. Nuntempaj vinŝatantoj kaj negocistoj aĉetadas de vilaĝanoj vintrinkejojn kaj en la supraj partoj  konstruas ejojn por loĝi kaj la subteran parton utiligas por vinkelo kiel iam.
 
En centro de ŝtonurbo ekzistas placo kun fontano kaj akvo por ĉiuj vintrinkejoj.
 
Ĉi tiu regiono situas sur sama geografia larĝeco kiel  la franca regiono  Bordo.  En pasinta jarcento, kiam filoksero damaĝis la francajn vinberejojn, francaj produktantoj importis vinon  el ĉi tiu regiono.